Փաստ ինֆո

Հայ Յեղափոխական Դաշնակցությունը մտահոգություններ ունի՝ ապրիլյան քառօրյայի վերաբերյալ քննիչ հանձնաժողովի հետ կապված։ «Փաստինֆո»-ի թղթակցին ասաց ՀՅԴ ԳՄ ներկայացուցիչ Իշխան Սաղաթելյանը:

Ավելի վաղ «Փաստինֆո»-ն տեղեկացրել է, որ 2016-ին ապրիլին ծավալված ռազմական գործողությունների հանգամանքներն ուսումնասիրելու համար ստեղծվել է Ազգային ժողովի Քննիչ հանձնաժողով։ ԱԺ նախագահի հայտարարության համաձայն՝ այն ստեղծվել է իրավունքի ուժով՝ ԱԺ 47 պատգամավորի ստորագրության հիման վրա:

Ի.Սաղաթելյանը նշեց, որ շատ կարեւոր է պարզել, թե ինչ նպատակ է հետապնդելու հանձնաժողովը, մասնավորապես որն է լինելու ուսումնասիրության շրջանակը, ինչպիսի լիազորությամբ է օժտված լինելու այն։

«Փաստինֆո»-ի հարցին, թե արդյոք մտահոգություն չունեն, որ հանձնաժողովը ղեկավարելու է մի անձ, ում անունը շրջանառվում է տարբեր աղմկոտ քրեական գործերով, ում անցյալի վերաբերյալ կան մի շարք կասկածներ։

‹‹ԵՎ՛ դա, և՛ բազմաթիվ այլ հարցեր մեզ մտահոգության տեղիք են տալիս: Մենք դեմ չենք, որպեսզի ուսումնասիրություն իրականացվի և իրական հանգամանքները պարզվեն, բայց դրա ձևը բովանդակությունն ու իրական նպատակները մեզ համար կերևոր են. դրա համար ուսումնասիրման կարիք կա››,-ասաց  Իշխան Սաղաթելյանը։

Նշենք, որ ԱԺ կանոնակարգ սահմանադրական օրենքի համաձայն՝ Քննիչ հանձնաժողովի լիազորությունները կիրականացնի ԱԺ պաշտպանության և անվտանգության հարցերի մշտական հանձնաժողովը, որի նախագահն է Պաշտպանության նախարարի նախկին տեղակալ, «Մարտի 1»-ի գործով փաստահավաք խմբի անդամ, ԱԺ «Իմ քայլի» պատգամավոր Անդրանիկ Քոչարյանը։

Հեղինակ` Սոնա Գեւորգյան