Փաստ ինֆո

Մենք այսօր գործ ունենք իշխանության ապալեգիտիմացման հետ, ու սա շատ վտանգավոր է, մեր իշխանությունները կամ թե ակամա գնում են դեպի բռնապետություն, երբ դու առաջին քայլով խախտում ես Սահմանադրությունը, հաջորդիվ նույնպես չես կարող խուսափել խախտումներից, ու այսպես մենք շատ վատ տեղ ենք հասնելու։ Անդրադառնալով ՍԴ-ի շուրջ զարգացումներին այս մասին «Փաստինֆո»-ի եթերում ասել է փաստաբան Երվանդ Վարոսյանը։

Երբ գործադիրը որոշում է լիակատար վերահսկողության տակ վերցնել դատական իշխանությունը, նպատակ ունենալով ուզուրպացնել ամբողջ իշխանությունը, դրանից հետո ճնշումներից չեն կարող խուսափել և ԶԼՄ-ները, և քաղաքական ուժերը, և քաղաքացիական հասարակությունը,- նշել է Վարոսյանը։

Նրա խոսքով, Հայաստանն այսօր գտնվում է իրավական գրեթե փակուղային իրավիճակում, որովհետև բազմաթիվ հարցեր կան և ԲՀԿ ՍԴ դիմումի, և սպասվող հանրաքվեի հետ կապված, քանզի որևէ օրենք չի նախատեսում թե օրենքը խախտելուց հետո ինչ կարգավորման մեխանիզմներ կան։

Մանրամասները՝ տեսանյութում։