Փաստ ինֆո

Արցախյան ազատամարտի առաջին օրերից ռազմական գործողություններին մասնակցել է  վեց կին, որոնց թվում Մարինե Դուլյանն է, ով առավել հայտնի է որպես «Ղարաբաղի Կոբրա»։ Ռազմի դաշտում տիկին Մարինեն եղել է հետախույզ, նշանառու, մասնակցել Գետաշենի, Մարտակերտի, Երասխի և այլ  ռազմաճակատներում ընթացող ռազմական գործողություններին։

Նրա սխրագործությունների մասին առասպելներ են հյուսվել։ Նրա խոսքով՝ նա եղել է թուրքերին լացացնողներից մեկը։ Անգամ հայտնի է, որ ադրբեջանցիներն ամբողջ Արցախում փնտրել են նրան՝ վրեժխնդիր լինելու համար։

«Ինչպես մենք ենք մեր ոխը հանել՝ Սումգայիթի 150 զոհերի համար»,- նշեց Մարինե Դուլյանը՝ պատմելով, որ 30 հոգով 3-5 գյուղ են պահել. «շատ-շատ ահավոր դրվագներ են եղել»։ «Չէի ուզենա, որ մեր երեխաները տեսնեն»,- ասում է  տիկին Մարինեն։

Կին ազատամարտիկն այսօր Հայաստանում ոչինչ չունի, անգամ տուն չունի, բայց չի բողոք՝ համարելով դա իր ընտանեկան խնդիրը։ Բայց երբեմն նեղսրտում է. «Մեզ ասում են չգնայիք, մնայիք ձեր տունը պահեիք։ Չեն հասկանում, որ մենք չէինք կարող մնալ տունը, մեր երեխաներին պահեինք, երբ գիտեինք, որ ուրիշի երեխան զոհվում է, լացում է»,- ասաց Մարինե Դուլյանը։

Մանրամասները՝ տեսանյութում։