Փաստ ինֆո

Քաղաքագետ Հայկ Մարտիրոսյանը հերքել է, թե ՀՀ վարչապետ Նիկոլ Փաշինյանի հետ հանդիպմանը պաշտոն է խնդրել:

«Փաստինֆո»-ի հետ զրույցում քաղաքագետը պատմել է, որ խոսակցությունը եղել է Նյու Յորքում: «Հանդիպել ենք, նա ինձ իր հյուրանոցի համար է հրավիրել սեպտեմբերին, խոսել ենք ամենատարբեր թեմաներից, ես իրեն տեղեկացրել եմ տարբեր հարցերի մասին, որոնցից ինքը տեղեկացված չէր և փորձել եմ օգտակար լինել։ Նաև զրույցի ընթացքում հարցրել  եմ՝ արդյոք ինքը պատկերացնում է մեր համագործակցությունը, վարչապետը պատասխանել է. «Այո, իհարկե»։ Նա ինձ հարցրել է, թե ինչ պաշտոն կցանկանամ, ես բառացիորեն ասել եմ. «Դուք երկրի վարչապետն եք, ես կոռեկտ չեմ համարում Ձեզանից որևէ պաշտոն խնդրել, կարող եմ միայն ասել՝ պատրաստ եմ օգնել, աշխատել հանուն Հայաստանի...»։Չեմ կարծում, թե դա կարիերիստի, պաշտոնամոլի և պաշտոն աղերսողի խոսք է», - ասել է Հայկ Մարտիրոսյանը։ 

Հիշեցնենք, որ վարչապետ Փաշինյանը ֆեյսբուքում գրառում է կատարել, թե  Ամուլսարի հետ կապված ամենասուր հայտարարությունների հեղինակներից մեկին աշխատանքից ազատել են, իսկ մյուսին՝ ի հեճուկս աղիողորմ խնդրանքների՝աշխատանքի չի ընդունել։ 

«Փաստինֆո»-ի հետ զրույցում քաղաքագետն անդրադարձել է ոչ միայն վարչապետի գրառմանը, այլ նաեւ ԱԱԾ հրավիրվելու, Ամուլսարի շահագործման հետ կապված քաղաքական պրոցեսների մասին։

Մանրամասները՝ տեսանյութում։