Փաստ ինֆո

Հյուսիս-հարավ միջպետական ավտոճանապարհին աշխատանքներ իրականացնող շինարարներն այսօր վաղ առավոտից փակել են Աշտարակ-Ուջան ճանապարհահատվածն ու պահանջում են վճարել իրենց ամիսներ շարունակ չվճարած աշխատավարձը:

Իրավիճակն ավելի սրվեց, երբ բողոքի ձայն բարձրացրին նաև այն քաղաքացիները, որոնք կողմ չէին փողոցներ փակելուն և պահանջում էին, որ ցուցարարներն իրենց ակցիան Կառավարության շենքի դիմաց իրականացնեն:

‹‹Ես երեխա եմ պահում, պետք է հիվանդանոց տանեմ: Ով առավոտյան շուտ է արթնանում ճանապարհ է փակում, հո սենց չի՞ լինի››,-ասաց քաղաքացիներից մեկը:

Մեկ այլ քաղաքացի բողոքեց ՝ ասելով, որ 20 տարի առաջ փողոցները ոչ ոք չէր կարող փակել, քանի որ ‹‹բիչոկի›› պես կտրորեին, կանցնին:

‹‹Էդ խեղճին այսօր գցել ենք ոտքի տակ, ճմռում ենք, մեղք էլ է, մի տարի առաջ կանգնել գոռում ու գոռում էինք, այսօր եկել տրորում ենք, այնտեղ դրսում են ‹‹լխճում››, այստեղ մենք ենք ‹‹լխճում››,-ասաց բարկացած քաղաքացին:

Իրադարձությունների վայր եկավ նաև ‹‹Լուսավոր Հայաստան›› խմբակցության պատգամավոր Գևորգ Գորգիսյանն ու հորդորեց գոնե որոշ ժամանակով բացել ճանապարհները:

Տեսանյութը՝ factor.am-ի