Փաստ ինֆո

Հոկտեմբերի 23-ից 25-ը   ֆինանսների նախարարության մարզահամալիրում  (նախկին  «Միկա» մարզահամալիր) կայացավ   Մաս-ռեստլինգի Աշխարհի  գավաթի 2-րդ   փուլը  և  Եվրոպայի  բաց  առաջնությունը։ Մրցույթի կազմակերպիչներն էին ՀՀ Մաս- ռեստլինգի   ֆեդերացիան  և Աշխարհի  Մաս-ռեստլինգի   ֆեդերացիան։ Բացման հանդիսավոր  արարողությանը   իրենց  ողջույնի խոսքը  հղեցին  Աշխարհի  Մաս-ռեստլինգի   ֆեդերացիայի նախագահ Ալեքսանդր Ակիմովը,  Աշխարհի  Մաս-ռեստլինգի   ֆեդերացիայի  գլխավոր  քարտուղար Ինոկենտի Գրիգորևը, Հայաստանի  Մաս-ռեստլինգի  ֆեդերացիայի  նախագահ  Արտավազդ   Նալբանդյանը և ՀՀ սպորտի  նախարարության  ներկայացուցիչը։ Նրանք մասնակիցներին ցանկացան հաջող  ելույթներ, արժանի  հաղթանակ, իսկ մրցավարներին  արդար  դատավարություն։ Աշխարհի  Մաս-ռեստլինգի   ֆեդերացիայի նախագահ Ալեքսանդր Ակիմովը Հայաստանի  Մաս-ռեստլինգի  ֆեդերացիայի  նախագահ  Արտավազդ   Նալբանդյանին շնորհեց շնորհակալագիր և  մեդալ։

Հյուրերը հնարավորություն  ստացան ծանոթանալ հայ  ազգագրական  երգին  ու   պարին, որից   հետո սկսվեցին  մարզիկների  ելույթները։

Ինչպես տեղեկացնում է Հայաստանի  Մաս-ռեստլինգի  ֆեդերացիայի  նախագահ  Արտավազդ   Նալբանդյանը, մրցույթին  մասնակցում  էին  աշխարհի  8 երկրներիմոտ 100 մարզիկներ։ Հայաստանի  հավաքականը   ներկայանում  էր 26 մարզիկով։

Մրցույթի  առաջին օրը իրենց  ուժերը  փորձեցին կանանց` 55, 75, 85կգ-ից բարձր  և  տղամարդկանց` 60, 80, 105 կգ քաշային կարգերը։ 75  կգ քաշային  կարգում  տպավորիչ  ելույթ  ունեցավ   Տաթև Հակոբյանը, ով դժվարին  պայքարում եզրափակիչում իր ուժերը  զիջեց Ռուսաստանը  ներկայացնող Տույարա Օռլովային,  Հայաստանի  հավաքականին  պարգևելով  արծաթե մեդալ։ Նույն  քաշային կարգում Աննա Գևորգյանն էլ  զբաղեցրեց երրորդ  պատվավոր  հորիզոնականը։ Կանանց 85 կգ-ից բարձր քաշային կարգում Հայաստանը  ներկայացնող Աննա Մեսրոպյանը նվաճեց  արծաթե  մեդալ։

Հաջող հանդես  եկավ նաև  Հայաստանի  տղամարդկանց  հավաքականը, բրոնզե մեդալներ  նվաճեցին Գևորգ Ստեփանյանը և Հովհաննես  Դավթյանը` 60 և 80 կգ քաշային  կարգերում։  105 կգ քաշային  կարգում մենք ունեցանք  ևս  մեկ արծաթե մեդալ, Արտյոմ Խուգոյանը դժվարին  պայքարում աշխարհի չեմպիոնի կոչումը  զիջեց  ռուսաստանցի Ֆեդոր Ֆեդորովին, իսկ Սերոբ Ժամկոչյանը Միխայիլ Գոգոլևի  հետ կիսեց  երրորդ  հորիզոնականը։  Ահա  այսպիսին  էին  առաջին մրցակցային  օրվա  արդյունքները, անկասկած  լավ էր  ամեն ինչ, բայց   սպասում  էինք  այդքան բաղձալի ոսկե  մեդալին և հայազգի  այն մարզիկին  կամ մարզուհուն  ով  կդառնար մաս-ռեստլինգ  մարզաձևից  հայազգի առաջին աշխարհի չեմպիոնը։

Հոկտեմբերին  25-ին  մեկնարկեց մրցակցային  երկրորդ  օրը, իրենց ուժերը  փորձեցին կանանց`  65, 85    և  տղամարդկանց 70, 90, 125 և 125կգ-ից  բարձր քաշային կարգի  մարզիկները։  Կանանց  65 կգ  քաշային  կարգում Կարինե  Գևորգյանը Սվետլանա Արտախինովայի  հետ կիսեց  երրորդ  հորիզոնականը։  Անչափ   հետաքրքիր  պայքար  ծավալվեց  70  կգ   քաշային կարգում, որտեղ Հայաստանը  ներկայացնում էր Յակուտիայում  կայացած  աշխարհի  առաջնության  բրոնզե մեդալակիր, Ասիայի  երրորդ  մրցանակակիր

Կարեն  Մարտիրոսյանը։ Հենց  նա  էր  այն  մարզիկը,  որից ամենաշատն  էինք  ակնկալում  հաղթանակ, և նա կարողացավ  արդարացնել իր  մարզչի ` Արտավազդ Նալբանդյանի և  մնացած  բոլորի  հույսերը։ Իսկ  125  և 125-ից  բարձր  քաշային  կարգերում բրոնզե  մեդալներ  նվաճեցին Դավիթ Եղիազարյանը  և  Ոստան  Գևորգյանը։

Մրցանակակիրները  պարգևատրվեցին   մեդալներով,  պատվոգրերով, գավաթներով  և   դրամական  պարգևներով (1-ին տեղ 20000  ռուբլի,  2-րդ տեղ`  15000 և 3-րդ`  10000)։

Կազմակերպիչները  ջանք չէին խնայել,  որպեսզի Հայաստանը  ներկայացվեր  ըստ  արժանավույն։  Փակման  արարողության  ժամանակ   ներկայացվեց հայոց ազգագրական երգն  ու  պարը,  հայոց  եռագույնով պատկերվեց մեր  սուրբ  լեռը։  Մեդալների  վրա  ևս  պատկերված  էին  Սիսն  ու  Մասիսը։ Սա ոչ  միայն  սպորտային տոն  էր,  այլև  մշակութային։  

Կանցնեն   տարիներ , այս  մարզաձևը  կդառա ավելի մասսայական և մեծ  ճանաչում  ձեռք  կբերի ամբողջ աշխարհում ու այդ  ժամանակ սպորտային  աշխարհը  կհիշի, որ Եվրոպայի բաց  առաջնություն  առաջին անգամ  կազմակերպվել  է  Հայաստանում։

Մաս-ռեստլինգի Եվրոպայի  բաց  առաջնության և Մաս-ռեստլինգի աշխարհի  գավաթի  երկրորդ  փուլի հաղթողները և մրցանակակիրները

կանայք 55 կգ

1-ին տեղ- Տերենտեվա Աննա (Ռուսաստան)

2-րդ տեղ- Բոլոտովա Ելենա (Ռուսաստան)

3-րդ տեղ- Դյաչկովսկայա Տատյանա (Ռուսաստան)

կանայք  մինչև  65 կգ

1-ին տեղ- Սեվրյուկ Իրինա (Ռուսաստան)

2-րդ տեղ- Ֆեդորենկո Մարինա (Ռուսաստան)

3-րդ տեղ- Արտախինովա Սվետլանա  (Ռուսաստան)

3-րդ տեղ-Գևորգյան  Կարինե  (Հայաստան)

կանայք  մինչև  75 կգ

1-ին տեղ- Օռլովա Տուարա (Ռուսաստան)

2-րդ տեղ- Հակոբյան Տաթև (Հայաստան)

3-րդ տեղ- Կորիցկա Ագնեշկա (Լեհաստան)

3-րդ տեղ-Գևորգյան  Աննա (Հայաստան)

կանայք  մինչև  85 կգ

1-ին տեղ- Սեդալիշեվա Սաինա  (Ռուսաստան)

2-րդ տեղ- Գուրեևա Ալեսյա  (ՈՒզբեկստան)

կանայք   85 կգ-ից բարձր

1-ին տեղ- Գրիգոր Տատյանա  (Ռուսաստան)

2-րդ տեղ- Մեսրոպյան Աննա  (Հայաստան)

տղամարդիկ մինչև 60 կգ

1-ին տեղ- Սավվին Դմիտրի  (Ռուսաստան)

2-րդ տեղ- Դյակոնով Իգոր  (Ռուսաստան)

3 -րդ տեղ- Նեուստրոեվ Դմիտրի (Ռուսաստան)

3 -րդ տեղ-Ստեփանյան Գևորգ (Հայաստան)

տղամարդիկ մինչև 70 կգ

1-ին տեղ- Մարտիրոսյան Կարեն (Հայաստան)

2-րդ տեղ-Բորիսով Գենադի  (Ռուսաստան)

3 -րդ տեղ- Կովալիկ Միխայիլ (Ռուսաստան)

3 -րդ տեղ-Լոսակով Զվաիդ (Վրաստան)

տղամարդիկ մինչև 80 կգ

1-ին տեղ- Գլադկով Անատոլի  (Ռուսաստան)

2-րդ տեղ- Կուդրին  Եգոր  (Ռուսաստան)

3 -րդ տեղ- Դավթյան Հովհաննես  (Հայաստան)

3 -րդ տեղ- Կոպալլիանի Լաշա (Վրաստան)

տղամարդիկ մինչև 90 կգ

1-ին տեղ- Չերնոգրադսկի Պավել  (Ռուսաստան)

2-րդ տեղ- Պոպով Դմիտրի  (Ռուսաստան)

3 -րդ տեղ- Այվազյան Ադամ  (Հայաստան)

3 -րդ տեղ-Բեսեդին Դմիտրի (Ուկրաինա)

տղամարդիկ մինչև 105 կգ

1-ին տեղ- Ֆեդորով Ֆեդոր  (Ռուսաստան)

2-րդ տեղ- Խուգոյան Արտյոմ  (Հայաստան)

3 -րդ տեղ- Ժամկոչյան Սերոբ  (Հայաստան)

3 -րդ տեղ-Գոգոլեվ Միխայիլ (Ռուսաստան)

տղամարդիկ մինչև 125 կգ

1-ին տեղ- Ալեքսեև Վասիլի (Ռուսաստան)

2-րդ տեղ- Չիգլաձե Չաբուկի   (Վրաստան)

3 -րդ տեղ- Եղիազարյան Դավիթ  (Հայաստան)

3 -րդ տեղ-Խան Ֆուրկան  (Պակիստան)

տղամարդիկ 125 կգ-ից  բարձր

1-ին տեղ- Կոլիբաբչուկ  Վիկտոր  (Ռուսաստան)

2-րդ տեղ- Կաժահա  Զվաիդ   (Վրաստան)

3 -րդ տեղ- Ֆրոլկին Սերգեյ (Ռուսաստան)

3 -րդ տեղ-Գևորգյան Ոստան (Հայաստան)