Փաստ ինֆո

Արաբկիր Քանաքեռ-Զեյթուն վարչական շրջանների ընդհանուր իրավասության դատարանն այսօր մեղավոր ճանաչեց գիտությունների թեկնածու 58-ամյա Գագիկին` իր սեռական օրգանը, ինչպես նաև՝ սերմնաժայթքման պրոցեսը նկարելու և 2 կայքերում տեղադրելու համար` ՀՀ քրեական օրեսգրքի 263-րդ հոդվածի 1-ին մասով և դատապարտեց կալանքի` 1 ամիս ժամկետով:

Սակայն  ամբաստանյալի նկատմամբ խափանման միջոց ընտրված ստորագրությունը չհեռանալու մասին կմնա անփոփոխ մինչև դատավճռի օրինական ուժի մեջ մտնելը, որից հետո միայն գիտությունների թեկնածուն կկալանավորվի:

Ըստ քրեական գործի նյութերի, ամբաստանյալն իր անձնական օգտագործման տեսանկարահանող սարքով նկարահանել է պոռնկագրական բնույթի նկարներ՝ մասնավորապես իր սեռական օրգանը՝ առնանդամը, սերմնաժայթքման տեսարանը և դրանք տեղադրել 2 կայքերում (կայքերի անվանումները չենք հրապարակում), այդպիսով տարածել և  հանրամատչելի է դարձրել համացանցի տիրույթում։ Նա  այդ կայքերում տեղադրելու եղանակով տարածել է նաև  պոռնկագրական բնույթի 54 վայրկյան տևողությամբ տեսանկարահանված ձայնագրություն:

Իսկ մինչ այդ այսօր մեղադրող դատախազ Էդգար Պետրոսյանը ամբաստանյալին առաջադրված մեղադրանքը գտավ ճիշտ և հիմնավորված, գործով մեղադրական դատավճիռ կայացնելու համար հավաքված ապացույցները հավաստի, հետազոտված և բավարար: Ինչպես նաև հաշվի առնելով ամբաստանյալի անձը բնութագրող տվյալները, նախկինում դատվածություն չունենալը և պատասխանատվությունը և պատիժը ծանրացնող հանգամանքների բացակայությունը  և այն, որ ամբաստանյալն առաջին անգամ է ոչ մեծ ծանրության հանցանք կատարել և խոստովանական  ցուցմունքներ է տվել` մեղադրող դատախազը միջնորդեց ամբաստանյալին մեղավոր ճանաչել առաջադրված մեղադրանքում և դատապարտել տուգանքի  300 000 դրամի չափով, իսկ խափանման միջոց ստորագրությունը թողնել անփոփոխ մինչև դատավճռի օրինական ուժի մեջ մտնելը:

Ճառով հանդես եկավ նաև ամբաստանյալը, ով հայտարարեց, որ պատրաստ է կիբերհանցագործությունների  բացահայտման նպատակով իր հավաքած ինֆորմացիան տրամադրել: Վերջինս նաև նշեց, որ ինքը հայտնվել է ծուղակում, քանի որ այդ կայքերում նշվում է, որ այն նկարները, որոնք ցանկանում եք տեղադրել ստուգվում են և նրանք չպետք է լինեն դաժան և պոռնոգրաֆիկ բնույթի: «Խորամանկ աղվեսը երկու ոտքով է ընկնում թակարդը»,- ասաց ամբաստանյալը:

Ինչ վերաբերում է տույժին, ապա ամբաստանյալը նշեց, որ, իհարկե, իր համար այս գումարի չափը մեծ քանի որ աշխատանք չունի, բայց ինքը չի խուսափի և կվճարի, եթե դատարանը այդպիսի որոշում կայացնի: