Փաստ ինֆո

հայտնելով հունվարի 1-ից շրջանառության հարկի դրույքաչափը 5 տոկոսից 10 տոկոս դարձնելու դեմ։
«Այստեղ հավաքված մարդիկ տարբեր շուկաներից են։

Մերը կոնկրետ Մալաթիայի ոսկու շուկան է, Բաղնիքի ոսկու շուկան էլ՝ երեկ է դուրս եկել։ 10 տոկոս շրջանառության հարկը շատ բարձր է, մենք նույնիսկ 5 տոկոսով մի կերպ էինք աշխատում։ Իրենք անցած տարի եկան, 5 տոկոսի պայմաններում մարդկանց 700-800 հազար տուգանեցին։ Ոսկին թանկ արժե, եթե 400,000 դրամանոց ապրանք վաճառում ենք, եկամուտ պահում ենք 4000 դրամ, պետությունը մեզնից ուզում է հարկել 40,000 դրամ, որտեղի՞ց վճարենք։

Լավ, թանկացնենք գները, բայց մեր հիմնական գնորդները ամերիկահայերը, եվրոպահայերը, ՌԴ մեր քաղաքացիներն են, քանի որ մեզ մոտ գներն ավելի հարմար է, մեզնից գնում են, եթե մենք թանկացնենք, ապա մեզնից ոչ ոք չի գնի, նույն եվրոպացին կգնա իր մոտ խանութից կգնի զարդը՝ ավելի հարմար գնով»,- «Փաստինֆո»-ի հետ զրույցում ասաց ոսկու շուկայի աշխատակիցներից մեկը՝ նշելով, որ իրենք չունեն այդ ժամանակը, շատերն այսօր այդ բիզնեսը վարկով են դրել․ «Մեզնից 10 օր են ուզում՝ չեն արձագանքում, 20 օր են ուզում՝ չեն արձագանքում, հետո կմտնեն, կասեն՝ օրենքն ուժի մեջ է, կտուգանեն։ Մանր և միջին բիզնեսն ընդհանրապես կփակվի»։ Անդրադառնալով Նիկոլ Փաշինյանի հայտարարություններին՝ քաղաքացին նշեց, որ նրա ելույթն ընդհանրապես դուր չեկավ, հնարավոր է՝ ցանկանում է բյուջե լցնել, բայց միջին և մանր բիզնեսի փակման դեպքում այն, ինչ այսօր կա՝ այդ էլ չի լինելու։ Միայն ոսկու շուկաների աշխատակիցներից մի 10 հազար հոգի կմնա աշխատազուրկ։

Աղբյուր` Փաստինֆո