Փաստ ինֆո

Կառավարության շենքի դիմաց այս պահին բողոքի ակցիա են իրականացնում շրջանառության հարկի փոփոխությունից դժգոհ տնտեսվարողները: Նրանք նշում են, որ հունվարի 1-ից ուժի մեջ մտած փոփոխությունը մի քանի անգամ ավելացրել է իրենց հարկային բեռը, ինչի հետևանքով իրենց բիզնեսները կանգնել բիզնեսը փակվելու վտանգի առաջ:

«Փոխանակ օլիգարխներին բռնեն, մեր հետևից են ընկել, մենք հազիվ հացի փող ենք աշխատում, հիմա դա էլ չենք անելու, չեն թողնում աշխատենք»։

Մել այլ տնտեսվարող էլ ասաց, որ կառավարությունը արդեն երկար ժամանակ է, աշխատում է փոքր և միջին բիզնեսը վերացնելու և խոշոր բիզնեսը զարգացնելու ուղղությամբ։ «Օր-օրի մարդիկ սննկանում են, փոքր ու միջին բիզնեսը վերանում է։ Ամեն օր իրավիճակը վատանալու է։ Փոքր ու միջին բիզնեսի հաշվին իրենց պարգևավճարների հարցերն են լուծում, բայց առևտուր հիմա ընդհանրապես չկա, փոխարենը վարձավճարները բարձրացել է, մի քանի տարի առաջ 1.5 տոկոս էր շրջանառության հարկը, հետո դարձին 3 տոկոս, հետո 5 տոկոս, ձեն չհանեցինք, մի կերպ հարմարվել էինք, հիմա դարձրել են 10 տոկոս։ Հետն էլ ասում են գույքագրեք, դրա համար էլ հաշվապահ պիտի պահենք։ Մարդը տրանսպորտի փող չունի՝ հաշվապահ ոնց ենք պահելու»,-ասաց նա:

Աղբյուր` Փաստինֆո