Փաստ ինֆո

ՀՀ արտգործնախարար Արարատ Միրզոյանը Մոսկվայում ՌԴ ԱԳ նախարար Սերգեյ Լավրովի հետ հանդիպմանը հայտարարեց, որ Երևանը շահագրգռված է շարունակել արդյունավետ քաղաքական երկխոսությունը, որն ուղղված է երկկողմ հարաբերություններին և ընդհանուր առմամբ տարածաշրջանային իրավիճակին վերաբերող հարցերի քննարկմանը:

«Հայաստանը մշտապես հավատարիմ է եղել բաց և կառուցողական երկխոսության սկզբունքներին, և մենք հույս ունենք, որ հետագայում ևս ռուսական կողմը հաշվի կառնի տեղի ունեցողի բոլոր ասպեկտները՝ խուսափելով միակողմանի մեկնաբանություններից, որոնք, ցավոք, մենք տեսել ենք վերջին շրջանում։ Հույս ունեմ, որ այսօրվա հանդիպումը կնպաստի փոխըմբռնմանը»,- ասաց Միրզոյանը։

Նա նշեց, որ հայկական կողմիը մրջազգային հարթակներում հաշվի է առնում Ռուսաստանի հետաքրքրությունները, ցանկություն կա, որ ռուսական կողմը ևս միջազգային հարթակներում ինչ-որ չափով հաշվի կառնի Հայաստանի շահերը։

«Մենք նպատակ ունենք նաև զարգացնել հարաբերությունները՝ հիմնված փոխշահավետ և գործնական համագործակցության, ինչպես նաև ինքնիշխանության նկատմամբ հարգանքի վրա»,- ասաց Միրզոյանը։

Նա անդրադարձել է նաև երկու երկրների տնտեսական հարաբերություններին և ընդգծել որ այս առումով մենք տեսնում ենք կայուն զարգացում, ինչն իր հերթին անդրադառնում է երկու երկրների առևտրաշրջանառության ավելացմանը։

Աղբյուր` Փաստինֆո