Փաստ ինֆո

Ես տարբեր վարկածներ եմ լսել վերջին օրերին տեղի ունեցածի հետ կապված, ես, իհարկե, չեմ մեկնաբանելու ՌԴ նախագահի գործողությունները կամ արդեն հարցը այդ ձևով հնչեցնելը, չգիտեմ,, որքանով է ճիշտ, իսկ արդյոք կարող էին այնպես անել այդ իրավիճակում, որ դա այդպես չլիներ, չգիտեմ, չեմ տիրապետում։ Այս մասին լրագրողների հետ զրույցում ասաց «Հայաստան» խմբակցության պատգամավոր Լևոն Քոչարյանը՝ անդրադառնալով հարցին, թե արդյոք կարող էր ՌԴ նախագահն այնպես անել, որ գերության մեջ չհայտնվեր Արցախի ռազմաքաղաքական ղեկավարությունը:

«Իհարկե շատ լավ կլիներ, որ այդ ամեն ինչը չլիներ, բայց ունենք այս ցավալի իրավիճակը: Կարծում եմ՝ եթե կարողանային կանեին, որովհետև այս ամեն ինչը նաև հարվածում է նրանց հեղինակությանը Հայաստանում, որը չեմ կարծում, որ իրենք ցանկացել են: Զուտ տրամաբանական տեսանկյունից չեմ կարծում, թե սա իրենց համար լավ իրավիճակ է»,- ասաց նա՝ ընդգծելով, որ Արցախի կորցնելը և այս ամեն ինչը հարված էր նաև նրանց հեղինակությանը ոչ միայն Հայաստանում, այլ նաև աշխարհում ընդհանրապես, չի կարծում՝ սա մի սցենար է, որ իրենք կցանկանային լիներ։

Աղբյուր` Փաստինֆո