Փաստ ինֆո

«Ափսոս պարոն Ալեքսանյան այստեղ չէ անեկդոտ պատմեմ, իրեն պատմե՛ք»,- ՀՀ Աժ ամբիոնից իր ելույթն այսպես սկսեց ՀՀ ԱԺ « Հայաստան » խմբակցության պատգամավոր Արթուր Խաչատրյանը։

«Մի քպականի մեջ չարք է մտնում, էկզոնցիստները գալիս են չարքը հանելու, քպականն ասում է՝ «ես ձեզ չեմ կանչել, չարքը բղավում է, - փրկե՛ք, փրկե՛ք, ես եմ կանչել, ինձ հանեք», - ասաց Խաչատրյանը՝ հեգնելով սահմանազատումը շարունակելու Հայաստանի ու Ադրբեջանի միջեւ ձեռք բերված նոր համաձայնությունը, որը, կարծես թե, առանց քարտեզ է տեղի ունենալու։ Համենայն դեպս՝ պաշտոնական Երեւանը առ այս պահը հրաժարվել է այդ մասին որեւէ տեղեկություն տրամադրել։

«Մեկ այլ անեկդոտից հարց հիշեցի, քարտեզ ա՞լ չունեք,մնացե՞լ եք ռուսական գենշտաբի հույսին, բա ասում էիք ինքնիշխան, անկախ, բազմավեկտոր, փոխլրացնող», - նշեց պատգամավորը։

Նա հիշեցրեց, Փաշինյանը նախկինում իր կուսակիցների հետ «հպարտ քաղաքացի» գրառմամբ գրքույկներ էր բաժանել ՀՀ քաղաքացիներին, որի վրա պատկերված քարտեզով Հայաստանն ու Արցախը միասին էին։ «Այսօր այս իշխանություններն ընդունում են, որ հպարտության ցուցիչը այդ միասնություններ էր, հիմա, որ իրենք այդ միասնությունը ասում են վզին գցած թոկ, ընդունում են, որ այլևս հպարտ չե՞ն, միակ խոստովանությունը, որ այս տարիների ընթացքում արել են», - եզրակացրեց պատգամավորը։

Ա.Խաչատրյանն անդրադարձավ օրհներգին, որն այսօր ԱԺ-ում հնչել է նոր տեքստով՝ խմբագրված Փաշինյանի կողմից՝ ի հեճուկս օրենքով սահմանված տարբերակի։

«Օրհներգն օրենքով է կարգավորվում, ճաշակի հարց չէ, պետական սիմվոլիկան ճաշակով չէ։Որևէ մեկը չի կարող, օրինակ, զինանշանը փոխել գույները կամ արծվի փոխարեն անգղ դնել, իսկ առյուծի փոխարեն վագր ու ասել իմ ճաշակով այսպես է գեղեցիկ։ Անարգելով պետական խորհրդանիշերը, անարգում եք պետականությունը», - ասաց Խաչատրյանը։

Աղբյուր` Փաստինֆո