Փաստ ինֆո

Ադրբեջանի Իմիշլիի շրջանում ոստիկանական մեքենայի մասնակցությամբ ՃՏՊ է տեղի ունեցել, որի հետևանքով երկու երեխա է զոհվել, ևս երեք մարդ վիրավորվել է: Զայրացած բնակիչները ջախջախել են ոստիկանական մեքենան և բախումների մեջ մտել ուժայինների հետ, կան ձերբակալվածներ։

Հունվարի 18-ին տեղական ժամանակով ժամը 12:30-ի սահմաններում (Երեւանի ժամանակով ժամը 12:30-ին) Ադրբեջանի Իմիշլի քաղաքում (գտնվում է Բաքվից 208 կմ հարավ-արեւմուտք) տեղի է ունեցել ճանապարհատրանսպորտային պատահար պետական ճանապարհային ոստիկանության (ՊՃՈ) ավտոմեքենայի մասնակցությամբ՝ «մահվան ելքով»:

Վթարի հետևանքով երկու մարդ զոհվել է, ևս երկուսը, այդ թվում՝ ՊՃՈ ավտոմեքենայի վարորդները, ստացել են վնասվածքներ:

«Կավկազսկի ուզել»- ի թղթակցին ստացված հաղորդագրության մեջ ասվում է, որ վթարի պատճառ է դարձել ճանապարհին մեկ այլ տրանսպորտային միջոցի հայտնվելը: ՊՃՈ-ի ավտոմեքենան, փորձելով խուսափել բախումից, դուրս է եկել ճանապարհի երթևեկելի գոտի և վրաերթի ենթարկել այնտեղ գտնվող երեխաներին։ «Երկու երեխա մահացել է, մյուս անչափահասներն ու վարորդը տեղափոխվել են հիվանդանոց։ Փաստի առթիվ հարուցվել է քրեական գործ, ոստիկանության և դատախազության մարմիններն իրականացնում են հետաքննություն», - նշված է հաղորդագրության մեջ ։ 

Մահվան ելքով ավտովթարը հուզմունք է առաջացրել տեղի բնակիչների շրջանում։ Սոցիալական ցանցերում տարածվել են կադրեր, թե ինչպես են տասնյակ մարդիկ էմոցիոնալ կերպով իրենց բողոքն արտահայտում ՊՃՈ աշխատակիցների գործողությունների դեմ, որոնք հանգեցրել են երեխաների մահվան և խեղման: Առավել էմոցիոնալ տրամադրված մարդիկ ջախջախել են ոստիկանական մեքենան, ընդհարումների մեջ մտել ոստիկանության հետ։ Կադրից դուրս լսվում են բղավոցներ՝ «հինգ երեխա վրաերթի են ենթարկել», «Թող Ալլահը պատժի նրանց»։

Տեսանյութը՝ «Փաստինֆո»-ի տելեգրամի ալիքում։

Աղբյուր` Փաստինֆո