Փաստ ինֆո

«Ամբողջ ֆիլմը զուգահեռներ է, 107 տարվա մեջ ոչինչ չի փոխվել», - լրագրողներին ասել է «Կեղծ խաղաղության գինը» ֆիլմի պրոդյոսեր Հարություն Հարությունյանը: Ֆիլմի պրեմիերան տեղի ունցավ Կինոյի տանը։

Հանդիսատեսը 100- ամյա մեր պատմական դրվագներում ցավալի զուգահեռներ տեսավ մեր օրերի հետ։ «Դուք այսօր կնայեք 1915 թ.- ի ապրիլի փոքր ժամանակահատվածը` Սարդարապատի ճակատամարտից առաջ, կզգաք, թե ո՞ր դրվագն այսօրվա ո՞ր դրվագին է նման, ո՞ր գործիչն` ու՞մ , սա այն դեպքն է,երբ ասում են սայլի անիվը նորից կոտրվեց իր սիրած փոսում. գլորվում ու էլի 105 տարի անց նույն փոսն ենք ընկնում», -պրեմիերայի ժամանակ ասաց Հարությունյանը` ավելացնելով, որ նոր Սարդարապատի հույս չունի, Սարդարապատում հաղթեցինք,երբ վերջում Արցախի հեծելազորը մտավ մարտի։ «Սա հիշողության կորստի դեմ դեղահաբ է», - արձանագրեց պրոսդյուսերը:

Ֆիլմի հիմնական մեսիջը հենց վերնագիրն է, չի կարելի խաղաղության մասին խոսել նրանց հետ,ովքեր եկել են քեզ սպանելու,- նկատեց Հարությունյանը։

«5րդ Ալիք» հեռուստաընկերության անձնակազմը 9 ամիս ուսումնասիրությունների արդյունքում պատրաստել է պատմավավերագրական ֆիլմ գեղարվեստական լուծումներով: Այն հայոց պատմության ոչ վաղ անցյալի` Կարսի անկման, Ալեքսանդրապոլի թուրքական տիրապետության տակ անցնելու օրերի պատճառների, թուրքական քարոզչական, դիվանագիտական ու կեղծ խաղաղության անվան տակ հայերին զիջումներ պարտադրելու մասին է։

Ֆիլմում օգտագործված է ժամանակի մամուլից վերցված հոդվածներ ու ժամանակակիցների վկայություններ։Հանդիսատեսը եւ տեղյակ էր պատմության դրվագների մասին և ոչ այնքան, քանի որ լսում էր ժամանակակիցների վկայություններ։Վկայություններով նկարագրված էր,թե ինչպես ընկավ Կարսը , ինչից հետո խաղաղութուն սպասելով Ալեքսանդրապոլն ապրում էր իր առօրյա կյանքով։

Աղբյուր` Փաստինֆո