Փաստ ինֆո

Կինոգործիչ Զոհրաբ Գասպարյանն արձագանքել է Նիկոլ Փաշինյանին՝ արձանագրելով, որ Լոս Անջելեսի կենդանի դժոխքը ոչինչ է այն ամենի համեմատ, ինչ տեղի է ունենում Հայաստանում։

«Մի քիչ ավելի կենցաղային ու ժողովրդական, մատչելի ձևով ասեմ, դու տանը նստած լինես, հարևանը մտնի քո տուն, երեխայիդ ծեծի, ջարդի, թքի վրան, հայհոյի գնա ու երեխադ հարցնի, թե ինչի համար արեց, դու իրեն ասես՝ «արի՛ հասկանանք, ինչի՞ քեզ այդպես արեց»,- նշել է Զ.Գասպարյանը։

ագրեսոր Ադրբեջանի նախագահ Իլհամ Ալիեւը Հայաստանին մեղադրել է ֆաշիստական պետություն լինելու մեջ, իսկ Փաշինյանն էլ, որպես արձագանք, ասել է՝ «թե, այո, Ադրբեջանում Հայաստանի մասին այսպիսի ընկալում կա և փորձենք հասկանալ, թե ի՞նչն է դրա պատճառը»։

«Քեզ ասում են ֆաշիստական երկիր, իսկ դու ասում ես նախ հասկանանք, թե ինչո՞ւ են մեզ ասում ֆաշիստական երկի՞ր։ Եթե այս մտածողությունն ունենք՝ մտնեն մեր տուն, աչքի դեմը բռնաբարեն կին, երեխա, քույր եւ նստենք հարցնենք, թե ինչի՞ բռնաբարեցին, կարո՞ղ է մեր քույրերը, մայրերը մեղավո՞ր էին»,- նկատել է մշակութային գործիչը։

Աղբյուր` Փաստինֆո