Փաստ ինֆո

ԵՄ երկրների դեսպանատների մոտ վիզաներ ստանալու համար մեր քաղաքացիների մեծ հերթեր են գոյացել, սա մեծ դժգոհություն է առաջացնում։ Այս մասին կառավարության այսօրվա նիստում ասաց ՀՀ վարչապետ ՆԻկոլ Փաշինյանն՝ ընդգծելով, որ մի քանի անգամ հանձնարարականներ է տվել այս խնդիր վերացնելու համար։

«Այս իրադրության պատճառն այն է, որ վերջին 5 տարիներին ՀՀ-ից դեպի ԵՄ հոսքը անգամներով ավելացել է։ ԵՄ դեսպանատներն ասում են, որ իրենք միջնաժամկետ, երկարաժամկետ, պլաններ ունեն և իրենց կարողությունները այդ կանխատեսումների համապատասխան են զարգացնում, բայց այն հոսքը, որ հիմա կա Հայաստանից դեպի ԵՄ՝ բոլոր հնարավոր կանխատեսումներից ավելի են։

Իրենք կանխատեսոմ էին, որ 1 ամսում 300 մարդու վիզայի խնդիր պետք է լուծեին, բայց հիմա լուծում են 3000 մարդու խնդիր։ Իրենք կարողությթուններն ավելացնում են, բայց պահանջարկը անգամներով ավելին էին, քան իրենք կարող էին լուծել»։

Նա ընդգծեց, որ մարդկանց հոսքը դեպի ԵՄ երկրներ այն բանի վկայությունն է, որ չնայած քննադատություններին՝ կառավարության ավիացիոն բարեփոխումներն արդյունք են տվել։ «Սա նշանակում է, որ որքան էլ մենք սխալվել ենք, ընկել են, բայց մենք մեր քաղաքացիների համար բացել ենք հնարավորություններ։ Մարդիկ ասում են՝ ինչի գնանք Ջերմուկում ճաշենք հետ գանք, կգնանք Հռոմ, կգնանք Ֆրանկֆուրտ, կգնանք Բրյուսել»։

Նա ընդգծեց, սա նաև նրա արդյունք է, որ սպառողական մենթալիտետի փոփոխություն է եղել ու վկայում է, որ մարդը գումար ունի։ «Մենք նկատել ենք, որ այս տարի դեպի Վրաստան հերթեր նախորդ տարիների նման չի գրանցվել, մեր վերլուծությունը ցույց է տալիս, որ մեծացել է մեր հյուրանոցներում ծանրաբեռնվածությունը, բայց այս տարի մարդկանց մի մեծ զանգված, որ նախկինում նախընտրում էր ՀՀ-ում մնալ կամ գնալ Վրաստան, օգտվել են օդային տրանսպորտից։ Դա ենթադրում է, որ գնացել են Եվրոպա կամ Մերձավոր Արևելք, սա սպառողական մարկարդակի ու մարդկանց սպառողական մենթալիտետի փոփոխուիթյան արդյուքն է»,-ասաց Փաշինյանը։

Աղբյուր` Փաստինֆո