Փաստ ինֆո

Երեւանի փոխքաղաքապետը ոչ կոռեկտ է համարում մայրաքաղաքի հանրային տրանսպորտի գները ընդհուպ եվրոպական քաղաքների գների հետ համեմատելը՝ դա համարելով հատվածական մոտեցում։

«Եթե ասում եք Պրահայում ավելի էժան է տրանսպորտը, ես էլ ասում եմ՝ ինչո՞ւ չեք համեմատում մանկապարտեզների միջազգային գները, որ մեզ մոտ մանկապարտեզներն անվճար են»,- ասել է փոխքաղաքապետ Սուրեն Գրիգորյանը՝ նշելով, որ քաղաքային տնտեսությունը պետք է ամբողջությամբ դիտարկել։

«Աղբահանությունը, տոնածառը, տոնական ծախսերը... համեմատությունը պետք է անել հասկանալով, որ քաղաքային տրանսպորտի սուբսիդավորումը պետք է համետելի լինի քաղաքի բյուջեի հնարավորությունների հետ», - ասել է Ս.Գրիգորյանը՝ արձագանքելով լրագրողի դիտարկմանն առ այն, որ Չեխիայում հանրային տրանսպորտի տոմս ձեռք բերելու համար վճարել է 24000 դրամ ու օգտվել աշխարհի լավագույն տրանսպորտային համակարգերից մեկից, որն աշխատում է անգամ գիշերը, բայց ՀՀ-ի ու Չեխիայի բնակիչների նաշխատավարձերը համեմատելի չեն։

Մեկ այլ լրագրող էլ նկատեց, որ ԱՄՆ-ում 2000 ականներին ձեռք բերված մետրոյի ժետոնն այսօր էլ կարող է օգտագործել՝ ԱՄՆ մեկնելու դեպքում։ Ինչո՞ւ է ժամկետի սահմանափակում դրվում տոմսի համար, եթե արդեն դրա համար վճարել է, ինչին փոխքաղաքապետն հակադարձեց, որ դա վալիդատորների տեխնիկական հիշողության հնարավորությամբ է պայմանավորված։

Փաստն այն է, որ բնակիչները տեղյակ չեն եղել, որ տոմսերի 7 օրյա վավերականության ժամկետը փոխվել է ու դարձել 4 օր, ինչին ի պատասխան փոխքաղաքապետն ասաց, որ ավագանու ոչ բոլոր որոշումներն են հրապարակայնացվում։ Հանրության լայն շրջանակներին վերաբերող որորշման չհանրայնացնելը, փաստորեն, Սուրեն Գրիգորյանի կարծիքով, պարտադիր չէ, բայց մեղադրեց լրագրողներին, որ դա չեն արել՝ ասելով, թե իրենց կողմից չտարածելը չէր խանգարում ԶԼՄ-ներին, որ իրենք անդրադառնային այդ թեմային։

«Վալիդատորը պետք է որոշակի հիշողություն ունենա, որ հասկանա տոմսն այլ տեղ օգտագործվե՞լ է, թե ոչ։ Այդ հիշողությունն անծայրածիր չի կարող լինել, եթե չդնենք ժամանակային սահմանափակում՝ վալիդատորը կկախի չի աշխատի , իսկ մենք ցանկանում ենք որակյալ ծառայություն մատուցել», - հավելեց Սուրեն Գրիգորյանը։

Աղբյուր` Փաստինֆո