Փաստ ինֆո

«Փաստինֆո»-ն այս տարվա առաջին իսկ օրերից սկսել է ահազանգեր ստանալ Երևանում քաղաքային տրանսպորտի աշխատանքի, ավելի ստույգ՝ չաշխատելու վերաբերյալ։ Մեզ ահազանգած քաղաքացիները պնդում են, որ տոնական օրերին ստիպված են լինում տևական ժամանակ սպասել կանգառներում, սակայն ոչ խոստացված 171 ամտոբուսներից, ոչ էլ նախկինում արդեն գործողներից կանգառներին չեն մոտենում, անգամ հորիզոնում չեն երևում։

Մինչդեռ, Երևանի քաղաքապետարանը երեկ հայտարարում էր, որ Երևանի տրանսպորտային համակարգը շարունակում է արդիականացվել ։ Քաղաքի երթուղիներում արդեն իսկ գործում են 171 նոր ավտոբուսներ՝ փոխարինելով հին ու հնամաշ շարժակազմը:

Չնայած այս գրառմանը, ու սրան կից ներկայացվող տեսանյութին՝ մեր ստացած ահազանգերին ու դիտարկումները քաղաքային տրանսպորտի կաթվածահար վիճակի մասին՝ սկսեցի ամրապնդվել նաև սոցիալական ցանցերում հայտնվող գրառումների տեսքով։
Մասնավորապես, ֆեյսբուքյան օգտատեր Արեգ Հարությունյանը գրում է․

«Սա է Տիգրան Ավինյանի և Սուրեն Գրիգորյանի այդքան գովազդված տրանսպորտային չարեփոխումը: Արդեն 20 րոպե է որևէ տրանպորտ չկա Մաշտոցի պողոտայում, միակ ավտոբուսը, որը տեսանք համար 100-ն էր:
Հ.Գ.
Դեռ նոր տարուց առաջ էի սկսել կասկածել, որ գծերում քիչ ավտոբուսներ են թողել՝ թանկացումները արդարացնելու համար, ասելով. «Տեսեք, ավտոբուսները շատ քիչ են, մի այսքան էլ պետք է բերենք, թանկացմանը այլընտրանք չկա»: Չեմ ուզում ընկնել ենթադրությունների գիրկը, բայց ամեն ինչ տանում է նրան, որ սա ոչ միայն հնարավոր է, այլ նաև ամբողջովին տեղավորվում է ՔՊ-ական գործողությունների լոգիկայի մեջ»:

Հատկանշական է, որ համանման դժգոհություններ քաղաքացիներն արտահայտում են նաև հենց քաղաքապետարանի վերոհիշյալ գրառման ներքո։
Մասնավորապես, Արման Սուքիասյանը մեկնաբանությունների դաշտում գրել է․ «42 ավտոբուսը 1,5 ժամը մեկ են աշխատում հիմա»։ Այս մեկնաբանությանն արձագանքել է Լիլիթ Ադոնցն՝ իր առարկություններով․ «Չկա նման բան, մինիմում 2 ժամը մեկ, ինձ թվում է գծում 2 ավտոբուս կա»։
Արմ Արմենիան էլ գրում է․ «27 համարը առաջ 15 րոպեն մեկ գալիս էր, էսօր 35 րոպե է՝ չկա»։

Աղբյուր` Փաստինֆո