Փաստ ինֆո

Երևանի «Ազգային առաջընթաց» խմբակցության անդամ Հայկ Գրիգորյանն անդրադարձավ «Ջերմուկ գուրպի» կողմից Արշակունյաց պողոտայի վրա իրականացվող շինարարությանը՝ ընդգծելով, որ այդ շինարարությունը դասական օրինակ է այն բանի, թե ինչպես չպետք է իրականացվի շինարարությունը։

«Երևանի քաղաքապետարանն այդտեղ բազում անելիքներ ունի, սկսած նրանից, որ շինթույլտվությունները ու ԱՊԶ-ները տալիս են շինարարությունը կիսավարտելուց հետո, ոնց է էդպես ստացվում։ Ինչպիսի մեխանիզմ է գործում։ Մարդիկ շինարարություն են անում, գրեթե 3-րդ հարկ են հասնում, մինչդեռ ես փաստաթղթերում նայում եմ, պարզվում է՝ նոյեմբերին նոր է շինթույլտվությունը տրվել, այն դեպքում, երբ իրենք մայիսից արդեն շինարարություն էին անում։ Իրենք դրա համար կարող է տուգանվում են 100 000 կամ 200 000 դրամ, բայց շարունակում են աշխատանքը։ ընդ որում՝ պլանից շեղումներ կան բալկոնները ավելացնելու հաշվին՝ մակերես է փոխվում, այսինքն, լիքը շեղումներ ու խախտումներ կան, որով կառուցապատողը շրջանցում է օրենքով նախտատեսված կառուցապատման քառակուսու պահանջները, նույնը վերաբերում է լուսավորությանը, այսինքն, կան սեփական տներ, որոնց բնակարանեհրի լուսավորությունն ու տեսարանն է փակվում։ Այս նորմերի խախտումների համար բնակիչները դիմում են իրավապահ մարմինների, բայց ոնց հասկանում եմ, այստեղ համակարգային կոռուպցիայի մասին է խոսքը, քանի որ այդ շենքում բնակարաններ ունեն Սուրեն Պապիկյանը և այլ պաշտոնատար անձինք։ Եթե դա օրինական է, ուրեմն պետք է վերանայումներ անել, բայց քաղաքապետարանն այն կառույցն է, որ եթեգիտի խնդիրները չեն լուծվում, ապա հիմնավոր կասկած է լինում, որ քաղաքապետարանը ևս մասնակցում է այդ պրոցեսներին։ Ինչ եք անում վայրի կառուցապատումը կասեցնելու համար»։

Քաղաքապետ Տիգրան Ավինյանն ասաց, որ 2023 թ-ի դեկտեմբերին, երբ սահմանվում էին 2024 թ-ի շինտուրքերի չափը՝ քննադատություն էր հնչում կառուցապատման ոլորտի տուրքերի ավելացման մասով։ «Այդ տուրքերի ավելացումը միայն այս տարի 24 մլրդ դրամ մուտք է ապահովել։ Երբ ասում ենք, որ ուզում ենք զսպել վայրի կառուցախատումը՝ նման տուրքերը ամենաուժեղ զսպող գործիքն են։ Մեր նախագծում մենք ավելի մեծ գումարների տուրքեր ենք նախատեսել, երբ կառուցապատողը նախատեսված ծավալներից շեղվում է։ Եթե օրինակ, տեխնիկական խնդիրներ լուծելու համար 5 տոկոս խնդիրներ կան լրացուցիչ տարածքներ ավելացնելու, ապա 5 տոկոսը ընդունելի է քաղաքապետարանի համար։ Բայց եթե կառուցախատողը էականորեն ուզում է շեղվել՝ դրա համաձայնության համար տուրքերը կտրուկ աճում են։ Ինչ վերաբերում է առաց թույլտվության կառուցապատմանը, ապա Երևանի քաղաքապետարանը գնում ու իր անելիքն անում է, այսինքն, տուգանում է կառուցապատողին։ Քաղաքապետարանի գործիքակազմը էականորեն ավելի ուժեղանալու է, մենք ունենալու ենք ևս մի գործիք, որը կոչվում է «քանդման պահանջ» սա հիմնականում ազդելու է այն կառույցների վրա, որոնք ինքնակամ են կառուցվելու, դրանց հետ կապված շինթույլտվություն վստահեցնում եմ, չի տրվելու»,-ասաց նա ընդգծելեվ որ կառուցապատողը պարտավոր է լինելու քանդել անգամ շատ մեծ տուգանքների շարքին հանդիպել։

Աղբյուր` Փաստինֆո