Փաստ ինֆո

Երևանում գործելու է աղբահանության վճարների հաշվարկման նոր մոտեցում, որը արդյունքում աղբահանության վճարը եւս կթանկանա։ 

Երևանի քաղաքապետարանի եկամուտների հաշվառման և գանձման վարչության պետի ժամանակավոր պաշտոնակատար Դավիթ Հակոբյանը ավագանու այսօրվա նիստում ներկայացրեց  վճարների հաշվարկման նոր մոտեցումը, ըստ որի՝ այն հիմնված կլին բնակարանների մակերեսի վրա, իսկ մեկ քմ.-ի  համար կսահմանվի 13 դրամ դրույքաչափ։

Հակոբյանը ներկայացրեց մի քանի օրինակ, ըստ որի՝ մեկ սենյականոց բնակարանի դեպքում 400 դրամի փոխարեն քաղաքացիները կվճարեն 455 դրամ, երկու սենյականոցի դեպքում՝ 600 դրամի փոխարեն՝ 689 դրամ, երեք սենյականոցի դեպքում՝ 900 դրամի փոխարեն՝ 975 դրամ, չորս և ավելի սենյականոցի դեպքում՝ 1,200 դրամի փոխարեն՝ 1,287 դրամ։ Անհատական բնակելի տների մասով աճը միջինում կազմում է 180 դրամ՝ մեկ տան հաշվարկով։

«Նոր համակարգը հաշվի է առնում բնակարանի մակերեսում ապրող մարդկանց թիվը։ Եթե փոքր բնակարաններում ավելի մեծ թվով մարդիկ են ապրում, վճարները նվազում են։ Օրինակ՝ 50 քմ բնակարանում, որտեղ ապրում է հինգ մարդ, վճարն ավելի նվազ կլինի։ Միջինում բնակարանների համար աղբահանության համար վճարի թանկացումը կազմում է մոտ 100 դրամ»,-ասաց Հակոբյանը։

Աղբյուր` Փաստինֆո