Փաստ ինֆո

«Հին Երևան» նախագիծը, որը կոչված էր մայրաքաղաքի գլխավոր պողոտայի վրա տեղակայել հին պատմական շենքերն ու դրանց նոր շունչ տալ, այլևս վախճանված է։ Այդ հին շենքերի քարերը պահելը, տեղափոխելն ու վերականգնելը մեծ բլեֆ էր։ Այդ մասին «Փաստինֆոյի» հետ զրույցում ասաց ՀՀ ճարտարապետների միության նախկին նախագահ Մկրտիչ Մինասյանը։

«Թամանյանայան Երևանի գլխավոր պողոտան, որ ենթադրաբար պետք է սկսվեր Սարյանի փողոցում գտնվող փոստի շենքին հարող թունելներից ու ձգվեր մինչև Վարդան Մամիկոնյանի արձանը, ամբողջապես աղճատված է այս «վայ» մարդկանց կողմից։ Հայտարարում էին, թե իբր վերականգնելու են Հին Երևանը, սակայն այնտեղ ոչ մի բան «Հին Երևան» նախագծին չի համապատասխանում, այդ փողոցը հիմա ծայրից ծայր բիզնես պլան է, որն այդպես էլ չեն կարողանում իրականացնել»,- ասաց նա։

Մասնագետի փոխանցմամբ՝ նախագծի համաձայն՝ մնացած շենքերը պետք է կենտրոնանային այսօրվա Հանրապետության, Նալբանդյան , Ֆիրդուսի փողոցների վրա, որտեղ հին շենքեր էին մնացել։ Այն կհետաքրքրեր մարդկանց ու բոլորովին այլ իրավիճակ կլիներ Երևանում, բայց գլխավոր պողոտան սկսեցին մասնատել։ Այդ պողոտան Թամանյանի՝ Երևանի նախագծի հիմնական մեխն էր, առանցքն էր՝ անրապետության հրապարակի հետ միասին, սակայն այս փողոցում հիմա էլիտար շենքներ են, մարդիկ այդ ծրագիրը կամ չեն ուզում անել կամ չգիտեն ինչպես անել։ Շատ ավելի հեշտ է ազատվել այդ ծրագից ու նոր էլիտար շենքեր սարքել, ինչն էլ անում են»։

Աղբյուր` Փաստինֆո