Փաստ ինֆո

65-ամյա տղամարդը ներկայացել է որպես բարերար և հափշտակել 1,200,000 ՀՀ դրամին համարժեք ոսկյա ժամացույց։ «Փաստինֆո»-ի հաղորդմամբ՝ դեպքը տեղի է ունեցել 2023թ սեպտեմբերի 18-ին։ Մասնավորապես, 65-ամյա տղամարդը Երևանի կենտրոնական ավտոկայանում մոտեցել է այնտեղ գտնվող Արթիկ-Երևան երթուղու վարորդին, ցանկություն հայտնել նրա վարած երթուղայինով գնալ Գյումրի քաղաք: Ճանապարհին 65-ամյա տղամարդը ներկայացել է որպես կանադահայ բարերար' Ջոն անվամբ, իբրև թե օգնում է կարիքավոր անձանց:

Դրանից վարորդի մոտ առաջացրել է նրան օգնելու ցանկություն և Արթիկ քաղաք հասնելուց հետո առաջարկել է իր անձնական' « ավտոմեքենայով տեղափոխել է Գյումրի քաղաք»: 65-ամյա տղամարդը հայտնել է, թե իբր Գյումրի գնում է գործնական հանդիպման, «Յոթ Վերք» եկեղեցու վերակառուցման համար 7.000.000 ՀՀ դրամ գուրմար է փոխանցել, ցանկանում է իրեն նույնպես օգնել, այնուհետև իր նկատմամբ ձևավորված վստահությունը վարորդի մոտ էլ ավելի ամրապնդելու համար, նրան խնդրել է ի պահ վերցնել իր մոտ եղած կանխիկ գումարը' նրան տալով վճարային միջոց չհանդիսացող 10.000 ԱՄՆ դոլար թղթադրամին նմանվող կապոցը' հանդիպումից հետո իրեն վերադարձնելու նպատակով, որից հետո հասկանալով, որ վարորդը մոլորության մեջ է, նրանից խնդրել է իրեն տալ ձեռքի ոսկյա ժամացույցը: Վարորդը, հավատալով 65-ամյա տղամարդուն, ընկնելով մոլորության մեջ ինքնակամ նրան է հանձնել 60 գրամ քաշով 1.200.000 ՀՀ դրամ արժողության ոսկյա ժամացույցը, որն էլ վերցնելով տղամարդը հեռացել է' հափշտակելով այն: Հետագայում պարզվել է, որ կապոցի մեջ թղթադրամների փոխարեն դրված են եղել վճարման միջոց չհանդիսացող կրկնօրինակ հուշադրամներ:

Նախաձեռնված քրեական վարույթի շրջանակներում 65-ամյա տղամարդուն մեղադրանք է ներկայացվել՝ ՀՀ քրեական օրենսգրքի 255-րդ հոդվածի 2-րդ մասի 3-րդ կետով, որպես խափանման միջոց է ընտրվել բացակայելու արգելքը։ Գործն այժմ Շիրակի մարզի ընդհանուր իրավասության դատարանի վարույթում է։

Ի․ Ս․

Աղբյուր` Փաստինֆո