Փաստ ինֆո

Կինը ամուսնու դավաճանությունից 4 տարի անց պատահաբար իմացել է, որ հարևանուհին հղիացել է նրանից: Այս մասին նա պատմել Է Reddit ֆորումում։

Գրառման հեղինակի խոսքով՝ ինքը չէր էլ կասկածում ամուսնու և հարևանուհու կապի մասին։ Աղջիկը տատիկի հետ ապրում էր հարևանությամբ գտնվող երեք սենյականոց բնակարանում, նրանք հազիվ էին ծայրը ծայրին հասցնում և չէին կարողանում վճարել հաշիվները: Խաբված կինը գիտեր ամուսնու հանդեպ աղջկա զգացմունքների մասին, բայց տղամարդը բազմիցս ասել է իրեն, որ անհանգստանալու կարիք չունի, և նա գործ չի ունենա 16 տարի փոքր աղջկա հետ:

Կինը բացատրել է, որ իր ամուսինը զբաղվել է հին շենքերի գնմամբ, դրանց վերանորոգմամբ և վերավաճառքով։ Հարևանուհին հաճախ էր գնում ստուգումների տղամարդու հետ՝ արդարացնելով դա պատմական շենքերի հանդեպ իր հետաքրքրությամբ։

Որոշ ժամանակ անց հարեւանուհին հղիացել է։ Այն ժամանակ նա 24 տարեկան էր։ Ամուսինները չեն հարցրել, թե ով է նորածին աղջկա հայրը, սակայն օգնել են նրան գումարով։ Շուտով աղջիկն ու երեխան և նրա տատիկը տեղափոխվել են։ Սակայն երեք տարի անց կնոջը զանգահարել է նրա նախկին տարեց հարեւանուհին։ Նա գրառման հեղինակին պատմել է, որ իր ամուսինը այդ հարևանի երեխայի հայրն է։

Պարզվել է, որ այդ ամբողջ ընթացքում ամուսինը գաղտնի այցելել է դստերը և իրեն պահել իսկական հոր պես։ Նա կնոջ թիկունքում ամսական 1500 եվրո է ծախսել երեխայի համար։ Գրառման հեղինակը պատմել է իր բացահայտման մասին ամուսնուն, և նա ոչինչ չի հերքել։ Կինը չի հստակեցրել, թե արդյոք մտադիր է ամուսնալուծվել, սակայն խոստովանել է, որ այդ պատմությունն իր մեջ անորոշություն է առաջացրել: «Ես զգում եմ, որ ուզում եմ փոս փորել և նետվել դրա մեջ, — նշեց նա, - Ես ինձ ծաղրածու եմ զգում»։

Աղբյուր` Փաստինֆո