Փաստ ինֆո

Ենթադրում եմ, որ Գլխավոր դատախազի՝ Հովիկ Աղազարյանին պատգամավորական անձեռնմխելիությունից զրկելու համար ԱԺ գալը պայմանավորված է լինելու մանր եղջերավորների հետ կապված քրեական գործի հետ։ Այս մասին ԱԺ-ում լրագրողների հետ զրույցում ասաց ՔՊ-ական պատգամավոր Հասմիկ Հակոբյանը՝ անդրադառնալով Գլխավոր դատախազի հայտարարությանը, թե պատրաստվում է հաջորդ տարի գալ ԱԺ՝ Հովիկ Աղազարյանին։

«Ես գիտեմ, որ կես տարուց ավելի է պարոն Աղազարյանը ներգրավված է այդ քրեական գործում, չգիտեմ ինչ կարգավիճակում է։ Ես չգիտեմ, որ գործով է գալու դատախազը, բայց նրան հարցեր ուղղելու հնարավորություն ենք ունենալու»։

Անդրադառնալով Հակոբ Ասլանյանին խմբակցությունից հեռացնելու որոշմանը՝ Հակոբյանն ասաց, որ Ասլանյանը կարող էր իր դիրքորոշմանը Աղազարյանի գործի հետ կապված կարող էր հայտնել խմբակցության նիստում, մինչդեռ նա գերադասեց դա անել հրապարակային։ «Մենք խնդիր ենք տեսնում նրանում, որ խմբակցությունում ունեցել ենք քննարկում պարոն Աղազարյանի դեպքով՝ ֆրակցիայի անդամը նիստում ոչ մի անհամաձայնություն չի հայտնել, բայց անհամաձայնությունը հրապարակային է հնչել»։

Հարցին, թե ծանոթացել է խնդրահարույց նամակագրությանը՝ Հակոբյանն ասաց, որ չի կարդացել նամակագրությունը։ «Ենթադրել եմ,թե ինչ եմ կարդաալու, դրա համար էլ չեմ կարդացել, ինձ տհաճ է նման բաներ կարդալը, բայց գործընկերներս ովքեր կարդացել են, հնարավորություն եմ ունեցել նրաց հետ ինձ հետաքրքրող հարցերի շուրջ խոսելու, այն ինֆորմացիան, որը մենք վարչաօպետից տեղեկացել ենք, որ ենթակա չէ հրապարակաման, անգամ ընտանիքի անդամների հետ չպետք է քննարկել այդ ինֆորմացիան, այդ ինֆորմացիայի արտահոսքը եղել է։ Մենք տեղեկացված ենք եղել, որ այդ տեղեկատվությունը հրապարակման ենթակա չէ։

Ինչ վերաբերում է պարոն Աղազարյանի ինտիմ, անձնական խոսակցություններին՝ դրանք ինձ ու իմ գործընկերներին չի հետաքրքրում, պարզապես մենք մեղավոր չենք, որ այն խնդրահարույց նամակագրությունները, որոնք վերաբերում են մեզ՝ համեմված են ինտիմ մանրամասներով»,-ասաց Հակոբյանը։

Աղբյուր` Փաստինֆո