Փաստ ինֆո

Մենք էլ պետք է ամեն ինչ անենք, որ Ադրբեջանին սպառազինություն չվաճառեն, բայց վաճառողը վաճառում է։ Այս մասին ԱԺ-ում լրագրողների հետ զրույցում ասաց ՀՀ ԱԺ պաշտպանության և անվտանգության հարցերով հանձնաժողովի նախագահ, ՔՊ-ական պատգամավոր Անդրանիկ Քոչարյանը՝ անդրառանալով Ադրբեջանի նախագահի օգնական Հիքմեթ Հաջիևի հայտարարությանը, թե ամեն բան անելու են, որպեսզի Հայաստանի ոչ մի երկիր զենք չվաճառի։

Հարցին, թե ինչ-որ բան այդ ուղղությամբ անո՞ւմ ենք՝ նա պատասխանեց. «Անում ենք, ստացվում է, թե՝ չէ, այլ հարց է, էդ աշխարհը մի քիչ այլ աշխարհ է։ Ասեմ, որ մենք ՆԱՏՕ ԽՎ-ում էինք ու այնտեղ ՆԱՏՕ անդամ և ոչ անդամ պետությունների պատվիրակություններն էին մասնակցում, ասեմ, որ նաև կոնտակտ ունեցանք մեր չակերտավոր «դարավոր թշնամու» ներկայացուցչի հետ, Չավուշօղլուն մոտեցավ մեզ ու խոսում էր հենց խաղաղության ու դրա հնարավորությունների մասին։ Ես կարծում եմ, որ դա շատ լավ է»,-ասաց Քոչարյանը։

Աղբյուր` Փաստինֆո