Փաստ ինֆո

ՔՊ-ի նախաձեռնած փրայմերիզի ընթացքում անգամ Գյումրին ընտրեց անկուսակցականի։ Սա, ըստ էության, հստակ ցուցիչ էր, որ Գյումրիում ՔՊ-ի դիրեքրը թույլ են։

Հիշեցնենք, որ ամենաբարձր ցուցանիշն արձանագրել էր նախկին հանրապետական, «Նեմիրոֆի Արմանի» հովանավորյալ Սարիկ Մինասյանը, որն էլ կնշանակվի Գյումրիի քաղաքապետի պաշտոնակատար։

Մտահոգիչ չէ՞, որ հենց ՔՊ-ականները Գյումրիում պարտվեցին «Փաստինֆո»-ի հարցին ի պատասխան ՔՊ-ական պատգամավոր Էմմա Պալյանը նշեց՝ «Ինչպես է ՔՊ-ն իշխանություն կորցնում Գյումրիում, եթե հենց ՔՊ-ի անցկացրած փրայմերիզի արդյունքում է ընտրվել պարոն Մինասյանը։ Սարիկ Մինասյանը մեր կուսակցության վարչության որոշմամբ է առաջադրվել որպես թեկնածու։ Մեծ հաշվով՝ Սարիկ Մինասյանը ՔՊ-ին ընդդիմություն չէ։

Ինչ մնում է մտահոգություններին՝ գյումրեցին ընտրեց ու ճիշտ գտավ այդ անձին, մեր համար կարևորը գյումրեցու որոշումն է, մենք էլ հաշվի կնստենք այդ որոշման հետ։ Այստեղ մտահոգվելու հարց չկա»։

Հարցին, թե արդյոք անկուսակցական թեկնածուն է գլխավորելու Գյումրում ՔՊ-ի նախընտրական ցուցակը՝ ավագանու արտահերթ ընտրությունների ժամանակ, նա պատասխանեց, որ վարչապետը հայտարարություն է արել, որ հենց փրայմերիզը հաղթած անձը կգլխավորի ցուցակը։ «Ինչ մնում է Մինասյանի անկուսակցական լինելուն՝ չեմ բացառում, որ նա կընդգրկվի կուսակցության շարքերում։ Մնացած զարգացումներն առաջիկայում կտեսնենք»։

Աղբյուր` Փաստինֆո