Փաստ ինֆո

Պարզ ֆիզիկական ակտիվությունը բարելավում է հիշողությունը: Ուղեղի ակտիվացման նման անսպասելի միջոց են նշել Լոնդոնի համալսարանի համաճարակաբանության եւ առողջապահության ինստիտուտի հետազոտողներ Միքայելա Բլումբերգը եւ պրոֆեսոր Էնդրյու Ստեպտոուն, գրում է Daily Express-ը:

Բլումբերգը նշել է, որ կոգնիտիվ ունակությունները բարելավվում են առաջին իսկ մարզումից հետո։ Միևնույն ժամանակ, նրա խոսքով, արդյունքը զգալու համար պարտադիր չէ մարզասրահ գնալ։ «Չափավոր կամ ինտենսիվ գործունեություն է համարվում այն ամենն, ինչը ստիպում է ձեր սրտի բաբախյունը արագանալ. դա կարող է լինել արագ քայլք, պար կամ մի քանի աստիճանի հաղթահարում: Դա պարտադիր չէ, որ լինի կառուցվածքային վարժություն», - ասում է նա:

Բլումբերգը հավելել է, որ ուսումնասիրությունը, որի վրա աշխատել է, ցույց է տվել, որ ֆիզիկական ակտիվության միջոցով հիշողությունը կարող է բարելավվել մինչև 24 ժամ: «Դա շատ ավելի տևական է, քան նախկինում էր համարվում», — հստակեցրել է փորձագետը։

Հետազոտության համահեղինակ Ստեփթոուն հաստատել է, որ իրենց աշխատանքն ապացուցում է սպորտի անմիջական օգուտը ուղեղի համար: Սակայն նա ընդգծել է, որ այդ տվյալների հիման վրա չի կարելի եզրակացություններ անել սպորտով զբաղվելուց հետո մտավոր ունակությունների երկարաժամկետ բարձրացման մասին։

Աղբյուր` Փաստինֆո