Փաստ ինֆո

ԵԽԽՎ իր իրավական և մարդու հարցերով հանձնաժողովը այսօր և վաղը Երևանում կանցկացնի գլխավոր նիստը։ Այս մասին ԱԺ-ում հայտնեց ՀՀ ԱԺ պետաիրավական հարցերով հանձնաժողովի նախագահ Վլադիմիր Վարդանյանը։

Նա նշեց, որ հանձնաժողովի նիստում կարող են քննարկվել հարցեր, որոնք կարող են տեղափոխվել լիագորմար նիստեր։ «Հայաստանը Ադրբեջանում պահվող ռազմագերիների վերաբերյալ մշտապես հարցեր է բարձրացնում։ Այդ հարցերը ընդգրկված են նաև մի շարք զեկույցներում, որոնք արդեն ընդունված են ԵԽԽՎ-ի կողմից։ Մենք չենք կարող օրակարգ ձևավորել, որովհետև այդ օրակարգի ձևավորումը շատ դեպքերում պայմանավորված են լինում այն զեկույցներով, որոնք քննարկվում են հանձնաժողովում։ Իհարկե, Հայաստանում այս նիստի անցկացման ընթացքում մենք չէինք կարող խուսափել այս քննարկումից»։

Նա նաև տեղեկացրեց, որ սովորաբար հանձնաժողովների նիստերը անցկացվում են փակ դռների հետևում և սահմանափակ քանակի մարդկանց ներկայությամբ, լիագումար նիստերը շատ ավելի բաց են։

«ԵԽԽՎ-ում ռազմագերիների հարցեր քննարկելու համար պետք է ունենալ օրակարգային հարց, որը հստակ ձևակերպում պետք է ունենա, թե ինչ ես նախատեսում ունենալ՝ հայտարարություն, համապատասխան բանաձև, թե նախատեսում ես կազմակերպել լսումներ։

Ռազմագերիների հետ կապված հարցերում ԵԽԽՎ-ն ինչ հնարավոր է՝ արել է, այսինքն, բանաձևերով անդրադարձել է ռազմագերիներին ու ռազմագերիների անհապաղ հայրենադարձման խնդրին։ Այսինքն, ԵԽԽՎ-ում բոլոր հարցերը բարձրացվել են ու ստացվել են համապատասխան լուծումները։ Ինչ մնում է դրանց կատարմանը, ապա անցած տարի Ադրբեջանի պատվիրակության լիազորությունները չհաստատեցին և վերջինս չի մասնակցում ԵԽԽՎ նիստերին, նրան վերադարձի համար ներկայացված են մի շարք պահանջներ, որոնք պետք է կատարվեն։ Նշմարելի պրոգրես այդ հարցերով չի զգացվում»,-ասաց Վարդանյանը։

Աղբյուր` Փաստինֆո