Փաստ ինֆո

Գյումրիում նախօրեին մեկնարկել է փրայմերիզը, որի արդյունքում ՔՊ-ի 7 թեկնածուներից մեկը կնշանակվի Հայաստանի երկրորդ խոշոր քաղաքի համայնքապետի ժամանակավոր պաշտոնակատար։ Շրջիկ խմբերը պտտվում են քաղաքում՝ 7 թեկնածուների անունների ու նկարների քվեաթերթիկներով՝ գյումրեցիներին առաջարկելով քվեարկել որևէ թեկնածուի օգտին։

Գյումրիից իրազեկ աղբյուրները «Փաստինֆոյին» տեղեկացրին, որ շրջիկ խմբերը, սակայն ոչ բոլոր հասցերենով են գնում, այլ այցելում են այն հասցեներ, որոնք տվել է ԱԱԾ-ն։ Այսինքն, ուղարկում են այն հասցեներով, որտեղ հաստատ գիտեն, որ իրենց հայհոյանքներ չեն գրի ու, միաժամանակ. հավանականությունը մեծ է, որ կքվեարկեն հենց Սարիկ Անդրեասյանի օգտին։

Մեր զրուցակցի կարծիքով՝ ամենայն հավանականությամբ, հաղթող թեկնածուն կլինի հենց ոչ ՔՊ-ական Սարիկ Անդրեասյանը։ Այս պահին ամեն բան արվում է, որպեսզի հենց նա հավաքի առավելագույն ձայներ, որովհետև այս պարագայում կկարողանան որոշակի աշխատեցնել և քաղաքապետարանի վարչական ռեսուրսները, և Սոցիալական միասնական ծառայության, և ԱԱԾ ռեսուրսը, որովհետև Սարիկ Մինասյանը մարզի ԱԱԾ պետի քեռու որդին է։

Թեև Սարիկ Անդրեասյանը առանձնապես մեծ հեղինակություն չունի Գյումրիում ու մշտապես եղել է ստվերում, սակայն համարվում է նախկին հանրապետական Արման Սահակյանի կադրը։ Փաշինյանը հույս ունի, որ նախկին ՀՀԿ-ական, «Շիրակ» ֆուտբոլային թիմի սեփանակատեր Արման Սահակյանը, ով իշխանափոխությունից հետո շատ արագ թեքվեց դեպի՝ ՔՊ, իր ռեսուրսները կդնի, որպեսզի կարողանն 30 տոկոս ձայն հավաքել։

Մեր գյումրեցի աղբյուրները պնդում են, որ Գյումրիում բնակիչները բնակիչները բացասական են տրամադրված ՔՊ-ին։

«էնպես չի, որ մյուս կուսակցություններին շատ են սիրում, բայց ՔՊ-ին հատկապես չեն սիրում»,- նշել է նա։

Մեր հարցին, թե ինչու ՔՊ-ում հույս չեն դնում կուսակցականների վրա՝ մեզ հայտնեցին, որ ոչ ՔՊ-ական պատգամավորներին, ոչ էլ ավագանու անդամին կամ չեն ճանաչում, եթե ճանաչում են, ապա չեն վստահում առավել ևս սիրում։

«Դավիթ Առուշանյանին Գյումրիում գրեթե ոչ ոք չի ճանաչում, շատ կարճ ժամանակ է աշխատել քաղաքապետի տեղակալ, բայց երբեք չի կարողացել լրջորեն դրսևորվել, արդյունքում Գյումրիում ոչ ճանաչվածություն ունի, ոչ էլ վստահություն։ Ինչ մնում է Կարեն Սարուխանյանին, նրան պարզապես Գյումրիում չեն սիրում, Շավարշ Արամյանը Սարուխանյանի ազգականն է ու ընկերը, Շավարշին խոստացել են փոխքաղաքապետի պաշտոն, բայց նրան նույնպես Գյումրիում չեն ճանաչում, իսկ ովքեր էլ ճանաչում են՝ վատ համբավ ունի, մշտապես պարտքերի մեջ է։ Ինչ մնում է Աննա Հակոբյանի բարեկամին՝ նրան ոչ միայն ոչ ոք չի ճանաչում, այլև բավական երիտասարդ է ու որևէ կերպ կայանալ չի հաջողել։

Այսինքն, այն, ինչ կատարվում է Գյումրիում՝ շոու է, միակ ռեալ թեկածուն Մինասյան Սարիկն է։ Նա նաև Էդմոն Մարուքյանի «Լուսավոր Հայաստան» կուսակցության անդամ է, իրեն Էդմոնն է Արմանի փողերով Ազգային Ժողով տարել, հետո Միասնական սոցիալական ծառայության պետ տարել։ Այսինքն, ՔՊ-ում հույս ունեն, որ Սարիկին օգնողները կամ աջակցողները շատ կլինեն Գյումրիում»,- ասել է մեր գյումրեցի զրուցակիցը։

Աղբյուր` Փաստինֆո