Փաստ ինֆո

Սիրիական գործողությունն ավարտելուց հետո՝ Թուրքիայի ձեռքերն այսօր ազատ են։ Ընդհանրապես, Թուրքիան կարողացել է դառնալ տարածաշրջանային գերտերություն, այսօր չկա համաշխարհային աշխարհաքաղաքական ուժային կենտրոն, որը կկարողանա զսպել Թուրքիայի ախորժակը։ Այս մասին «Փաստինֆոյի» հետ զրույցում ասաց քաղաքագետ Խաչիկ Գալստյանը։

Նրա գնահատմամբ՝ աշխարհակարգի փոփոխությունները բերում են նոր ազդեցության գոտիների բաժանում և տեսնում ենք տարիներ շարունակ այս կամ երկրի ազդեցության գոտի համարվող տարածքներն այսօր վերաձեւվում են և Թուրքիան, բառացիորեն սիրիական ներխուժումից հետո, իր ազդեցությունը և իր անվտանգության գոտիները ընդլայնելով հայացքը հառելու է դեպի Հայաստան՝ իրենց երազած «Թուրանական միջանցքը» ստանալու համար կամ ուժի ճանապարհով, կամ էլ Հայաստանին միակորղմանի զիջումներ պարտադրելու ճանակապարհով»։

Դիտարկմանը՝ որքանով Հայաստանում իշխանափոխության օրակարգ կա ձևավորված ընդդիմության կողմից, նա պատասխանեց, որ իշխանափոխությունը պետք է իրականացվի ժողովրդական լայն զանգվածների ուղիղ աջակցությամբ, բայց իշխանական քարոզչությունը մեր ժողովրդին հիմնականում մատուցում է այն թեզը, որ ոչինչ անել հնարավոր չէ, որ դիմադրության բոլոր ռեսուրսները սպառված են, որ տոնածառի լույսերը ավելի կարևոր են, քան սահմանների անվտանգությունը։ «Այս թեզերը հանգեցնում են նրան, որ մեր ժողովրդին վախեցնում են նոր պատերազմի սանձազերծմամբ և, ըստ էության՝ պետականորեն քարոզում են հետևյալ թեզը. Եթե Սիրայի նման տերությունը չկարողացավ դիմանալ Թուրքիայի հարվածներին, ուրեմն ոչինչ անել չենք կարող։ Եկեք հարմարվենք ու ծառայամտորեն կարողանանք արևի տակ գոնե մեր տեղը ապահովենք։

Մինչդեռ, այս թեզերի դեմ պայքարող ընդդիմությունը չկարողացավ բռունցք դառնալ լիդերության շուրջ համաձայնության գալ և մեկ միասնական ճակատով հանդես գալ ու փորձել իշխանազրկել Փաշինյանին։ Ընդդիմությունը այսօր ավելի բզկտված է ու տարանջատված, քան իշխանությունը, սա էլ հաղթանակ է ապահովում իշխանական ուժերին»,-ընդգծեց նա։

Աղբյուր` Փաստինֆո