Փաստ ինֆո

Հովիկ Աղազարյանի գործի շրջանակներում հայտնաբերվել են տեղեկություններ, որոնք կապ ունեն պետական անվտանգության հետ, քանի որ այդ կառույցը ենթակա է վարչապետին։ Այս կառույցը պարտավոր է եղել զեկուցել վարչապետին։ Այդ տեղեկությունների մեջ եղել է տեղեկություն տարբեր տեսակի արտահոսքեր սիսեմատիկ կերպով կազմակերպելու վերաբերյալ։ Այս մասին խորհրդարանական ճեպազորւյցների ընթացքում ասաց «Քաղաքացիական պայմանագիր» խմբակցության քարտուղար Արթուր Հովհաննիսյանը։

«Ինչ վերաբերում է անձնական կյանքին՝ խոսքը ընդհանրապես մարդկանց անձնական կյանքի մեջ մտնելու մասին չի։ Գործի շրջանակներում ի հայտ են եկել հանգամանքներ, որոնք կապ են ունեցել պետական անվտանցության հետ։ Եթե այդ տեղեկատվությունը որևէ մեկն իր անձնական չաթում է գրում՝ դա չեղավ, որ դա իր անձնական տեղեկությունն է։

Մենք ԱԺ պատգամավորներ ենք և մենք չունենք անձնական կյանք, անձնական տվյալներ, մենք հանրային գործունեություն ենք ծավալում և պարտավոր ենք մեր հանրային գործունեության մեջ լինել հնարավորինս բարեվարք, էլ չեմ ասում՝ պետական անվտանգությանը վերաբերող հարցերին։ Ես կարծում եմ, որ անձնական կյանք մտնելու մասին խոսք բացարձակապես չկա, խոսքը վերաբերում է արտահեսքեր կազմակերպելուն և հանրության բարոյական նորմեր կապտագույնս խախտելու մասին»։

Հարցին, թե եթե պետական անվտանգությանը սպառնացող տեղեկություններ են ի հայտ եկել, ինչո՞ւ չեն գնում իրավական ճանապարհով՝ նա պատմեց, որ ՔԿ-ն գործողություններ է իրականացրել, ապա օգնություն է խնդրել ԱԱԾ-ից, որը ենթակա է վարչապետին։ Այդ գործընթացի ընթացքում ի հայտ են եկել հանգամանքներ, որոնք պետական անվտանգությանը վերաբերող տեղեկություններ են։ «Որևէ օրենք չի խախտվել, ամեն բան տեղի է ունեցել դատական թույլտվությունների շրջանակներում։ Որևէ մեկի իրավունքը չի խախտվել, որևէ մեսինջերի պարունակություն չի քննարկվել։ Քննարկվել են տեղի ունեցած արտահեսքերը, բարոյական նորմերի կոպտագույն խախատումները, այսքանը։ Այդ տրամաբանությունը, թե մեսինջերը բացել-կարդացել եք՝ չի համապատասխանում իրականությանը։ Որևէ օրենք չի խախտվել»։

Աղբյուր` Փաստինֆո