Փաստ ինֆո

Իշխանությունները տեղեկատվություն չեն տրամադրում բանակցային գործընթացի վերաբերյալ, որովհետև ՀՀ անունից բանակցող կողմը, ցավոք սրտի, չունի կարմիր գծեր չունի։ ԱԺ-ում տեղի ունեցած ճեպազրույցների ժամանակ հայտարարել է ՀՀ ԱԺ «Պատիվ ունեմ» խմբակցության ղեկավար Հայկ Մամիջանյանը։

Նրա խոսքերով՝ օրվա իշխանությունը վախենում է հնչեցնել կարմիր գիծ, չունի, որովհետև Փաշինյանն ընկած է Ալիևի «ավտոգրաֆը» ստանալու հետևից, ինչպես աստղերի հետևից են վազում»,-ասաց նա։

Ըստ Մամիջանյանի՝ Փաշինյանին պետք է մի թուղթ, որի վրա գրված է՝ «խաղաղություն». «Այդ թուղթը բացառապես կեղծ է լինելու, ոչ մի կապ չի ունենալու իրականության հետ՝ տակը Ալիևի «ավտոգրաֆը», որպեսզի ինքը կարողանա քարոզարշավ անի։ Ահա թե ինչու չեն պատասխանում»։

Ինչ վերաբերում է Ալիևի նոր պահանջներին վերջիններս կողմից առաջ քաշվող , «Արևմտյան Ադրբեջանի» կեղծ թեզին՝ Մամիջանյանն արձագանքեց. եթե իշխանությունները չեն արձագանքում, ապա պետք է ընդդիմությունը պատասխանի։

«Անընդունելի է հավասարության նշան դնելը երկու գործընթացների միջև, մի շարք պատճառներով՝ սկսած բարոյականից»,-ասաց նա և ծանոթացրեց առկա նյութերին, թե ինչպես է իրականացվել Խորհրդային Հայաստանից ադրբեջանցիների հեռացումը։

«Կան փաստաթղթեր, որ նրանց փոխհատուցումներ են տրվել, փաստաթղթեր, որ տրանսպորտ է տրվել, ապահովվել է նրանց անվտանգությունը, իրենք իրենց գույքը հետները տարել են, և համեմատենք՝ Խորհրդային Ադրբեջանում ինչպես է իրականցվել՝ հրահրված բախումներ, սպանություններ, այստեղ որևէ զուգահեռ չկա»,-ասաց նա։

Ընդդիմադիր պատգամավորն ասաց, որ ինքը չի տեսնում Ադրբեջանի կողմից բարի կամքի որևէ դրսևորում. գերիները չեն ազատվում, ՀՀ սուվերեն տարածքում շարունակում են մնալ ադրբեջանցի զինյալները, պետական մակրադակով հակահայկական հռետորիկա է իրականացվում, Ադրբեջանի ԱԳ նխարարը մասնակցում է, այսպես կոչված, Արևմտյան Ադրբեջանի ինչ-որ միջոցառման և այդտեղ ինչ-որ պայմաններ հնչեցնում ՀՀ-ին։

«Տարբերակը մեռած ձևանալու, ինչպես անում է Փաշինյանը, չի աշխատելու։ Մեռած ձևանալով՝ Ադրբեջանի հետ չեն բանակցում, առհասարակ, ոչ մի երկրի հետ չեն բանակցում, դու պետք է հստակ քո կարմիր գծերը նշես»,-ասաց նա։

Աղբյուր` Փաստինֆո