Փաստ ինֆո

Բագրատ Սրբազանն այսօր այցելել է կառավարության դիմաց է` գերիների, պահվող անձանց և պատանդների վերադարձի պահանջով նստացույց անող քաղաքացիներին։

Նա շնորհակալություն հայտնեց ակցիա անող քաղաքացիներին, որոնք հոկտեմբերի 17-ից կառավարության մոտ են։
«Անընդունելի է, որ մեր հայրենակիցների մի մասը 4 տարի, իսկ Արցախի ռազմաքաղաքական ղեկավարությունը՝ 1.5 տարի դեռ գտնվում են թշնամու բանտում։ Այսօր յուրքանչյուրս ենք գտնվում «բանտի» մեջ, «կալանքի» մեջ և դրա լավագույն վկայությունը այն հեռախոսի նամակի պատմությունն է։ Մարդու հեռախոսի մեջից ուղղակիորեն իր ներքին նամակագրությանը՝ ինչ ուզում է լինի, ինքը գիտի, տիրապետում են։ Սա նշանակում է, որ մենք կալանքի մեջ ենք ապրում։

Հետևաբար, էտ բանտից պետք է ազտագրվենք ու դուրս գանք»,-ասաց Սրբազանը։

Նա ընդգծեց, որ իրեն հաճախ են հարցնում, թե ինչ է լինելու հետագայում. «Վստահեցնում եմ երկար չի սպասեցնելու այս ամենը։ Մենք այդ ճանապարհն անցնում ենք և այդ ճանապարհի հանգրվանը պետք է լինի մեր հաղթանակը։ Սրանց անպարտելիության միֆը մոռացեք։ Իրենք ամենավախկոտն են, այլապես այս ցնդաբանությունները չէինք տեսնի։ Մենք վերջնահանգրվանի առջև ենք կանգնած»։

Նշենք նաև, որ «Կամք» նախաձեռնության ղեկավար Վահագն Չախալյանը Սրբազանին տեղեկացրել է, որ «երբ իմացել էին, թե Սրբազանը միանալու է նստացույցին՝ 22 ավտոբուս զորք էին ուղարկել»։

Հիշեցնենք, որ «Կամք» նախաձեռնության անդամները արդեն շուրջ 1.5 ամիս է նստացույց են անում կառավարության դիմաց՝ պահանջելով ազատ արձակել Բաքվում պահվող հայ պատանդների ու գերիներին։

Աղբյուր` Փաստինֆո