Փաստ ինֆո

«Հայաստան» խմբակցության պատգամավոր Գեղամ Մանուկյանը ԱԺ-ում հայտարարությունների ժամին պատմեց, որ օրերս այցելել է 84 դպրոց, որտեղ տարիներ շարունակ առաջին հարկից սկսած հերոսների անկյուններ են եղել, իսկ հիմա չկան։

«Մեր դպրոցից 8 աշակերտ նահատակվել է Արցախյան ազատամարտի 4-օրյա և 44-օրյա պատերազմների ժամանակ։ Նորանշանակ տնօրենին հարցնում եմ՝ ո՞ւր են, ասում է՝ դե դասասենյակներ ենք սկսել անվանակոչել, որովհետև Ձեր կրթության նախարարությունը բոլոր տեղերից հանել է տալիս այդ ակնյունները։ Էն օրն էլ ձեր վարչապետը գեներալի անունով դասադսենյակ անվանակոչելու մասին սկսեց խոսել, թե բա՝ էդ ինչ դասարաններ եք անվանակոչում, չանեք։ Դա է ողբերգությունը»։

Դիմելով ՔՊ-ական պատգամավոր Հասմիկ Հակոբյանին՝ Մանուկյանն ասաց, որ իր ծնողներն ու Հակոբյանի պապերն աշխատում էին Ջերմուկի «Արփա-Սևանում», էսօր Ջերմուկի մի մասը օկուպացված է։ «Ձեր վարչապետը, ձեր պաշտպանության նախարարը, ձեր ԱԳՆ-ն, որ թուրթակի պես կրկնում են՝ մեր սուվերեն տարածքներն են բայց դրանք պետք է հետ բերենք միայն խաղաղ բանակցություններով։ Դա իմ ու Ձեր Ջերմուկն է։ Ամենամեծ ցավը, որ ապրում եմ՝ այն է, որ հասկանում եմ՝ շատերդ դա չեք ընկալում, սրտի ցվավ չեք զգում, կորստի ցավը չեք զգում, գիտեք ինչի, որովհետև շատերիդ համար դա կապ չունի հիշողության հետ, ապրելու հետ, բայց այստեղ նստած շատերի 30-34 տարվա կյանքն է, որ գողացել են, մեր ապրած կյանքը գողացել են»։

Աղբյուր` Փաստինֆո