Փաստ ինֆո

Մանկության շրջանում ճարպակալումը կարող է ապագայում ազդել մարդու ողջ կյանքի վրա, նախազգուշացրել է բարիատրիկ վիրաբույժ, բժշկական գիտությունների թեկնածու Ալեքսանդր Նեյմարկը: «Лента.ру» - ի հետ զրույցում նա պատմել է երիտասարդ տարիքում ավելորդ քաշի կուտակման ազդեցության մասին չափահաս մարդու առողջության վրա և մանկական ճարպակալման զարգացման պատճառների մասին։

Նեյմարը նշել է, որ վերջին ժամանակներս Ռուսաստանում ճարպակալմամբ տառապող մարդկանց թիվն աճել է 10 տոկոսով, իսկ երեխաների շրջանում վերջին մեկ տարվա ընթացքում ճարպակալման 108 հազար նոր դեպք է հայտնաբերվել: Երեխայի մոտ դրա զարգացման պատճառները, բացատրել է բժիշկը, կարող են լինել էնդոկրին գեղձերի աշխատանքի խանգարումը եւ նստակյաց ապրելակերպը։ Այնուամենայնիվ, երեխաների քաշի ավելացման հիմնական պատճառը սննդային խանգարումն է: Մասնավորապես, ճարպակալման են հանգեցնում ընտանիքի սխալ հոգեբանական դրույթը, հստակեցրել է բժիշկը։

Որպես կանոն, սննդակարգը և դրա հետ կապված ամեն ինչ սկիզբ ք առնում ընտանիքում։ Եթե ծնողները սնվում են անկանոն, ոչ բալանսավորված, ապա երեխան կրկնօրինակում է նրանց վարքը և, որպես արդյունք, գիրանում: Բացի այդ, ընտանեկան համակարգը լրացուցիչ ներառում է հոգեբանական դրույթ, օրինակ՝ «մինչև ամբողջը չուտես, սեղանից վեր չես կենա», «ոչ ոք չի ուտելու քո ուտելիքի մնացորդները» և այլն։ Երեխան չափից շատ է ուտում, կորցնում է իր հետ կապը և այլևս չի զգում սննդից հագեցվածությունը, նա խնդիր ունի ճաշն ուտել մինչև վերջ։ Այս ամենը հանգեցնում է համակարգված չափից շատ ուտելու սովորության։

Այսպիսով, ըստ Նեյմարի, ժամանակի ընթացքում առողջ սնունդը փոխարինվում է արագ սննդով, բարձր կալորիականությամբ ըմպելիքներով, քաղցր նախուտեստներով, քանի որ դա ավելի հեշտ և արագ է և չի պահանջում կենտրոնանալ այն ամենի վրա, ինչ ուտում ես: Ազդում է մեծահասակների առողջական վիճակի վրա նաև մանկությունում նստակյաց կյանքը: Վիրաբույժը շեշտեց, որ այսօր երեխաները նախընտրում են ազատ ժամանակն անցկացնել համակարգչի, խաղերի, ֆիլմերի և սոցիալական ցանցերի առջև, ինչը, իհարկե, ազդում է նրանց ֆիզիկական պատրաստվածության վրա: «Առողջ քաշ պահպանելու համար կա ունիվերսալ բանաձև. պետք է ծախսել նույնքան կամ մի փոքր ավելի շատ կալորիա, քան սպառում եք։ Նստակյաց ապրելակերպով էներգիայի սպառում գրեթե տեղի չի ունենում: Ավելցուկը պահվում է որպես ճարպային հյուսվածք, որը կուտակվում է և հանգեցնում գիրության զարգացմանը: Բացի այդ, համակարգչի առջեւ ժամանակ անցկացնելն ուղեկցվում է նաեւ խորտիկների, այսինքն՝ արագ ածխաջրերի, օգտագործմամբ», — նշել է քաշի ավելացման գործոնները բժիշկը։

Եթե ընտանիքի բոլոր անդամների մոտ ուտելու սովորությունները խաթարված են, երեխայի ինտենսիվ բուժումը կարող է ոչ մի արդյունք չտալ, եթե տանը նրանք շարունակեն կերակրել անառողջ և չբալանսավորված սնունդով, խրախուսել նստակյաց ապրելակերպը և այլն: Բուժման համար պետք է ներգրավվի ամբողջ ընտանիքը' ծնողները և ավագ եղբայրները, քույրերը պետք է իրենց օրինակով ցույց տան երեխային դրական փոփոխություններ։

Աղբյուր` Փաստինֆո