Փաստ ինֆո

Իրանը կարողացավ Լիբանանում Իսրայելին պարտության մատնել՝ առանց հարվածներ հասցնելու։ Նման գնահատականով է հանդես եկել միջազգայնագետ Գրիգոր Բալասանյանը՝ անդրադառնալով Լիբանանի ու Իսրայելի միջեւ ձեռք բերված համաձայնությանը։

«Իրանը կարողացավ այնպես անել, որ «Համաս»-ի հետ անգամ Իսրայելն ունենա խնդիրներ, բացի այդ` Իրանը հայտարարեց և հասավ նրան, որ Իսրայելը հաստատի տեղեկատվությունն այն մասին, որ Իրանի հարևանությամբ` Ադրբեջանում, կան իսրայելական ռազմաբազաներ և կոչ արեց իր զինվորականներին վերադարնալ հայրենիք։ Սա Իրանի դիվանագիտական հաղթանակն է, հերթական հաղթանակը Մերձավոր Արևելքում, իսկ Մերձավոր Արևելքում ամուր դիրքեր ունեցող Իրանը նաև Հայաստանի անվտանգության գրավականն է՝ Սյունիքում և առհասարակ մեր տարածաշրջանում», - նշել է Գրիգոր Բալասանյանը։

Միջազգայնագետի դիտարկմամբ՝ «Հեզբոլլահ»-ն իրենից մեծ ուժ է ներկայացնում և Իսրայելն արդեն ստիպված է այս ամենի հետ հաշվի նստել։

«Եթե հաշվի առնենք նաեւ այն անսահմանափակ օգնությունը, որն ինչպես նշում է ԱՄՆ-ն, հատկացվել է Իսրայելին, ապա այդ երկիրը չի հասել նպատակին։«Հեզբոլլահ»-ի և «Համաս»-ի հետ կապված իրավիճակը ցույց է տալիս, որ տարածաշրջանում իրավիճակ է փոխվում», - հայտնեց Բալասանյանը՝ նշելով, որ պրոքսիներով պատերազմը Իրանի մոտ բավական լավ է ստացվում։

Աղբյուր` Փաստինֆո