Փաստ ինֆո

Արզումանյան 10 հասցեի վթարային շենքի բնակիչները Երևանի քաղաքապետարանից պահանջում են տարհանել իրենց։ Բնակիչները նշում են, որ շենքում փլուզումներ են տեղի ունենում։

Այս պահին շենքի հարևանությամբ նոր շենք է կառուցվում, որտեղ նախատեսվում է բնակիչներին տեղափոխել։ վթարային շենքի բնակիչների 80 տոկոսը պայմանագրեր է կնքել՝ համաձայնելով տեղափոխվել, բայց մի քանի բնակիչ՝ 3 հոգի հրաժարվում են պայմանագիր կնքել և նրանց հետ կապված գործեր կան դատարանում։

Շենքի բնակիչներից մեկը՝ Զարուհի Առաքելյանը լրագրողների հետ զրույցում ասել է, որ իրավական գործընթացը կարող է ամիսներ կամ տարիներ տևել, մինչդեռ այդ ընթացքում շենքում փլուզումներ են տեղի ունենում, որոնք սպառնալիք են շենքի հատկապես առաջին մուտքի բնակիչների կյանքի համար։

«Իրավական գործընթացը ենթադրում է, որ մինչև վերջին բնակիչը չստորագրի՝ բնակիչներին չեն կարող տարհանել, բայց փլուզումն առաջին մուտքից է սկսում, մենք պահանջում ենք, որ առաջին մուտքի բնակիչներին աստիճանաբար էվակուացնել, ինչպես արեցին, Արզումանյան 17 հասցեի բնակիչների հետ։ Շենքի բնակիչներից մի քանիսն արդեն փախել են, իրենց բնակարանները վարձակալությամբ են տվել ու հեռացել են, բայց կան բնակիչներ, որոնք չեն կարողանում դուրս գալ, որովհետև գնալու տեղ չունեն, բայց մենք կարող ենք մնալ փլատակների տալ, աղետ կարող է լինել։ Քարերը թափվում են ներս, շենքը դեֆորմացվում է, աղետը գալիս է այն ժամանակ, երբ իրեն հարմար է, չի սպասելու։ Մենք պայքարում ենք մեր ու մեր երեխաների կյանքի, անվտագության համար»,-ասաց կինը։

Աղբյուր` Փաստինֆո