Փաստ ինֆո

ԱԺ ուսապարկ մի քպ-ուհի դեռ էն գլխից ասել էր, թե՝ պատրաստ է անգամ իր առաջնորդի ստորագրությամբ դատարկ թղթի տակ ստորագրել։

Իսկ գյումրեցի ՔՊ պատգամավոր Կարեն Սարուխանյանի հայտարարությանը, թե՝ պատրաստ է արյան, մեզի, մազի նմուշ տալ, ում պետք է՝ թող տանեն ստուգեն՝ կա՞ թմրանյութ, թե՝ ոչ, նախորդել էր բավական ուշագրավ հանգամանք։

Օրեր առաջ տեղի ունեցած ՔՊ վարչության նիստից առաջ թմրանյութ պահելու և օգտագործելու կասկածանքով ձերբակալվել էր Սարուխանյանի քեռու որդին։ Իսկ սրան հաջորդել էր ՔՊ վարչության նիստում Գյումրիում ստեղծված անիշխանության վիճակի քննարկումը, որի ընթացքում ՔՊ առաջնորդն անակնկալ կերպով ՔՊ խմբակցության պատգամավոր, Գյումրու քաղաքապետի հավանական թեկնածու Կ․ Սարուխանյանին՝ իր համար վստահելի բժշկի և իր անվտանգության աշխատակցի ուղեկցությամբ թմրանյութի թեստ հանձնելու էր ուղարկել։

Այս պատմության մեջ մտածելու լիքը բան կա, մի կողմից գործ ունենք քպական առաջնորդի՝ սեփական թիմակիցներին ոչնչացնելու, նվաստացնելու, խժռելու՝ սկիզբ առած գործընթացի հետ։

Մյուս կողմից զարմանալ կարելի է, թե ինչպես են քպականները կամավոր գնում ինքնաոչնչացման։

Իսկ ընդհանուր առմամբ՝ նյութապաշտության և անգաղափարականության վրա հիմնված միավորի փլուզումը սկսվել է։ Գյումրիից սկիզբ առած փաշինյանական լեգոն ցրիվ է գալիս, հենց ինքը կարծես ցրիվ տալիս։ Եվ ամենայն հավանականությամբ առաջիկայում շատ բան ջրի երես դուրս կգա։

Այն, որ քպ կոչվող աղանդը ներսից էր պայթելու և արդեն իսկ սկսվել են փլուզման գործընթացները, գնալով տեսանելի է դառնում։

Հովիկ Աղազարյանի, Անդրանիկ Քոչարյանի հետ կապված պատմությունները սրա վկայությունն են, որոնք ընթացքի մեջ են։

Աղբյուր` Փաստինֆո