Փաստ ինֆո

Գյումրեցի ՔՊ-ական պատգամավոր Կարեն Սարուխանյանը դեռ վերջնական որոշում չունի Գյումրիում կայանալիք փրամերիզին մասնակցության վերաբերյալ։ Լրագրողների հետ զրույցում հարցին, թե ինչու փոխվեց ՔՊ-ում որոշումն, ըստ որի՝ Սարուխանյանը պետք է լիներ քաղաքապետի թեկնածուն՝ նա պատասխանեց, որ քանի որ օրենքում հստակ գրված չէ, որ ԺՊ պետք է լինի՝ իրենք պատրաստվում էին արագ գնալ արտահերթ ընտրությունների։ «Այն պահին, երբ հասկացանք, որ առանց ԺՊ-ի և համայնքապետի չենք կարող գնալ ընտրության, որովհետև օրենքը թույլ չի տալիս, և որոշում կայացվեց, որ փոփոխություն կատարել օրենքում, որպեսզի համայնքապետի ԺՊ»-ասաց նա՝ ընդգծելով, որ օրենքում փոփոխությունը պետք է որ մեկնարկած լինեն, քանի որ Գյումրիում կառավարման ճգնաժամ կա։

Նա տեղեկացրեց, որ այն պահին, երբ հստակ էր, որ իրենք գնում են ընտրության՝ վարչապետն իրեն առաջարկել է որպես թեկնածու, բայց երբ պարզ դարձավ, որ իրավական առումով խնդիր կա ու արտահերթ ընտրությունների արագ գնալ չեն կարող, ու իրավիճակը հանգուցալուծելու իրավունքը ՀՀ վարպետինն՝ վարչապետն էլ դիմեց գյուրեցիներին՝ ասելով, որ նրանք ընտրեն, թե ով պետք է նշանակվի ժպ։ «Նա ով կլինի ԺՊ՝ նա էլ կգլխավորի մեր ցուցակը։ Այսինքն, իմ թեկնածության փոփոխությունը եղավ այդ տրամաբանության մեջ»։

Հարցին, թե հնարավոր է, որ այդ փոփոխությունը պայմանավորված է թմրամիջոցների թեստ հանձնելու անհրաժեշտությամբ՝ Սարուխանյանն ասաց, որ թեստի արդյունքները հրապարակել է, «Այդ սուտ տեղեկությունները, հերյուրանքը տարածում են որոշ լրատվականներով՝ ինձ վարկաբեկելու համար է։ Ինձ գյումրում շատերն են ճանաչում, գիտեն, որ այդ արատավոր երևույթների դեմ առաջիններից մեկը ես եմ պայքարում»։

Դիտարկմանը՝ թե Շիրակի թեմի առաջնորդն էլ է ասել, որ Սարուխանյանը Գյումրում հենց որպես թմրամոլ էլ հայտնի է՝ նա պատասխանեց, որ Աճապահյանին Գյումրում շատ ավելի վատ են ճանաչում։

Սարուխանյանը նաև հայտնեց, որ ինքն է որոշում կայացրել թեստ հանձնելու։ «Պատրաստ եմ հանձնել ցանկացած թեստ, եթե հիմա էլ կլինեն չհավատացողներ՝ պատրաստ եմ մազի, մեզի, արյան նմուշ տալ ցանկացածին, ում պետք է՝ թող տանեն հանձնեն»,-ասաց նա՝ ընդգծելով, որ իր դեմ արշավը կազմակերպել են որոշ «քաղաքապետացուներ»։

Աղբյուր` Փաստինֆո