Փաստ ինֆո

«Քաղաքացիական պայմանագիր» խմբակցությունում Հովիկ Աղազարյանին խմբակցությունից հեռացնելու կամ մանդատից զրկելու պրոցեսներ չկան։ Այս մասին «Փաստինֆոյի» հետ զրույցում ասաց ՔՊ-ական պատգամավոր Գուրգեն Մելքոնյանը։

«Չեմ կարծում, որ խմբակցությունը կարող է նման քայլի գնալ։ Աղազարյանն էլ ժամանակ է խնդրել, կարծում եմ՝ մոտ ժամանակահատվածում կարձագանքի վարչապետի խնդրանքին»,- նշել է Մելքոնյանը։

Հիշեցնենք, որ Նիկոլ Փաշինյանը պաշտոնապես հայտարարեց, որ խնդրել է քպական պատգամավորներ Հ. Աղազարյանին ու Նարեկ Զեյնալյանին վայր դնել մանդատը։ Վերջինս անմիջապես արձագանքել է ու վայր դրել, իսկ Աղազարյանը հայտարարել է, որ նախ պետք է խորհրդակցի ընկերոջ հետ, որից հետո որոշում կկայացնի։

Գ.Մելքոնյանի խոսքերով՝ խմբակցությոնում տարբեր մարդիկ տարբեր կերպ եմ մտածում այս թեմայի մասին։ «Դեմոկրատական երկիր է, մեր մոտ էլ՝ անգամ խմբակցության ներսում, շատ քննադատություններ կան իրար նկատմամբ»։

Դիտարկմանը, թե Աղազարյանն ասում է, որ որոշ գործընկերներ ճնշում են, որ դնի մանդատը, մյուսները ճնշում են, որ չդնի, ինքը ո՞ր «կողմից է ճնշում»՝ Մելքոնյանն ասաց, որ Աղազարյանին իրական պատկերն է ներկայացրել, ու ասել, որ բոլոր հանգամանքներն հաշվի առնելով՝ որոշում կայացնի, իսկ որոշում ամեն դեպքում՝ ինքը պետք է կայացնի։ «Ինքը պետք է որոշի, ոչ մեկ չի կարող իրեն ասի՝ դիր, կամ մի դիր, ինքն է որոշողը»։

Հարցին, թե ինքը կդնե՞ր մանդատը, եթե վարչապետն իրեն «խնդրեր»՝ Մելքոնյանը պատասխանեց. «Անպայման, 5 րոպե էլ չէի մտածի»։

Աղբյուր` Փաստինֆո