Փաստ ինֆո

Հնդկաստանում կենդանի տղամարդուն շփոթել են մահացած մարդու հետ եւ քիչ է մնացել այրեն թաղման խարույկի վրա։ Այս մասին հայտնում է Times of India-ն:

25-ամյա Ռաջեշ Կումարը հոգեբուժարանի խուլ ու համր հիվանդ էր։ Տղամարդը նաև տառապել է էպիլեպսիայով, և հինգշաբթի օրը՝ նոյեմբերի 21-ին, նրան գտել են հիվանդասենյակում՝ անգիտակից վիճակում, էպիլեպտիկ նոպայից հետո: Կումարին շտապ հոսպիտալացրել են, սակայն բժիշկների վերակենդանացման գործողություններն արդյունք չեն տվել. սրտագրությունը ցույց է տվել զարկերակի բացակայություն: Բժիշկները արձանագրել են մահվան ժամանակը, իսկ դիահերձման փաստաթղթերում գրել են, որ պատճառը թոքային անբավարարությունն է, որն առաջացել է ԹՔՕՀ-ով (թոքերի քրոնիկ օբստրուկտիվ հիվանդություն) և տուբերկուլյոզով: Երկու ախտորոշումներն էլ առկա էին Կումարի մոտ հիվանդության պատմության մեջ:

Նույն օրը որոշվեց դիակիզում իրականացնել։ Մարմինը արդեն դրել էին խարույկի վրա, երբ այրվելուց վայրկյաններ առաջ ներկաներից մեկը նկատել է, որ Կումարը արթնացել է, շարժվել և սկսել շնչել: Տղամարդուն անմիջապես հետ են տարել հիվանդանոց։ Այնտեղ նրան ցույց են տվել հնարավոր ողջ օգնությունը, սակայն փրկել չեն կարողացել։ Ուրբաթ վաղ առավոտյան նա մահացել է: Պատճառները նշել են էպիլեպսիայի նոպայից եւ ուղեկցող հիվանդություններից հետո ուժեղ սթրեսը։

Հետագայում պարզվել է, որ բժիշկները, որոնք պետք է դիահերձում իրականացնեին, չեն արել դա։ Հիվանդի մոտ զարկերակի բացակայություն արձանագրելով՝ նրանք պարզապես թղթեր են լրացրել՝ նայելով տղամարդու անամնեզին եւ մարմինն ուղարկել դիահերձարան։ Այն բանից հետո, երբ այդ մասին հայտնի է դարձել, երեք բժիշկների հեռացրել են աշխատանքից։

Աղբյուր` Փաստինֆո