Փաստ ինֆո

ԱՄՆ-ը Լիբանանի պաշտոնյաներին հայտնել է, որ Իսրայելի և լիբանանյան շիական «Հեզբոլլահ» շարժման միջև հրադադարի մասին գործարքը կարող է հայտարարվել արդեն մի քանի ժամվա ընթացքում, հայտնում է Reuters գործակալությունը՝ վկայակոչելով լիբանանցի պաշտոնյային և արևմտյան դիվանագետին:

Ավելի վաղ Axios պորտալը հայտնել էր, որ, ամերիկյան կողմի կարծիքով, Իսրայելն ու Լիբանանը համաձայնեցրել են հրադադարի պայմանները: Պորտալի տվյալներով՝ համաձայնագիրը նախատեսում է ԱՄՆ-ի գլխավորությամբ վերահսկողության կոմիտեի ստեղծում՝ դրա իրականացումը վերահսկելու և խախտումները վերացնելու համար: ԱՄՆ-ը նաև համաձայնել Է Իսրայելին երաշխիքներ տրամադրել, որոնք ներառում են աջակցություն իսրայելական ռազմական գործողություններին Լիբանանի տարածքից մոտալուտ սպառնալիքների դեմ, ինչպես նաև Լիբանանի հարավում «Հռզբոլլահի» ռազմական ներկայության հնարավոր վերականգնումը կասեցնելուն ուղղված գործողություններին:

«ԱՄՆ-ն լիբանանցի պաշտոնյաներին տեղեկացրել է, որ կրակի դադարեցման մասին կարող է հայտարարվել «մի քանի ժամվա ընթացքում»», - ասված Է գործակալության հաղորդագրության մեջ:

Ինչպես երկուշաբթի գործակալությանը հայտնել է Լիբանանի խորհրդարանի փոխխոսնակ Իլյաս Բու Սաաբը, 60 օրով հրադադարի ռեժիմի հայտարարման համար «լուրջ խոչընդոտներ» այլեւս չկան: Քաղաքական գործիչը նշել է, որ ենթադրյալ պլանի համաձայն՝ իսրայելական բանակը կլքի Լիբանանի հարավը, այդ տարածքում կտեղակայվեն լիբանանցի զինվորականներ: Բու Սաաբը նաև ընդգծել է, որ հրադադարի ռեժիմի պահպանման վերահսկողության կոմիտեի կազմի հարցը լուծվել է վերջին օրվա ընթացքում:

Երկուշաբթի CNN հեռուստաալիքը, վկայակոչելով իրազեկ աղբյուրին, հայտնել է, որ Իսրայելի վարչապետ Բենյամին Նեթանյահուն նախապես հավանություն է տվել լիբանանյան «Հեզբոլլահ» շարժման հետ հրադադարի մասին հնարավոր համաձայնագրին, սակայն Իսրայելը ցանկանում է ինչ-որ վերապահումներ ներկայացնել եւ դրանք փոխանցել լիբանանյան իշխանություններին:

Աղբյուր` Փաստինֆո