Փաստ ինֆո

Այսօր` նոյեմբերի 25-ին, լրանում է Մոնթե Մելքոնյանի ծննդյան 67-րդ տարելիցը։ Օր որը 2020-ի  նոյեմբերի 9-ին, Նիկոլ Փաշինյանի ձեռամբ ստորագրված կապիտուլյացիոն փաստաթղթի  համաձայն, նշվում է նաև որպես Մոնթեի ազատագրած Քարվաճառն ադրբեջանին հանձնելու օր։

Այս օրերին նշում ենք, ոչ միայն Նիկոլ Փաշինյանի խայտառակ կապիտուլյացիայի, դավաճանական հողատվության, հայրենավաճառության 4-րդ տարելիցը, այլև Արցախի հողի ու բնակչության դեմ ծավալվող, լայնամասշտաբ ստի, ֆաշիզմի և ատելության խոսքի տարածման 4-ամյակը։

Նշենք մի քանի վառ օրինակ։

Իհարկե, Նիկոլ Փաշինյանն ու նրա քարոզչամեքենայի անդամները քաջատեղյակ են, որ երբևէ չճանաչված Արցախի հանրապետությունը վերջին 30 տարում, ո՛չ մի երկրից չէր ստացել ոչ մի սպառազինություն և ստանալ էլ չէր կարող, այնինչ իշխական կլանը նյութեր է տարածում այն մասին, թե Արցախը Ադրբեջանի հետ կռվելու անհրաժեշտ զենք ուներ։

Նիկոլ Փաշինյանն ու նրա քարոզչամեքենայի անդամները քաջատեղյակ են նաև նրան, որ առանց Հայաստանի բանակի աջակցության, չճանաչված Արցախի չճանաչված բանակը ևս անգործունակ էր ու անպաշտպան, քանզի չի հանդիսանում միջազգային իրավունքի սուբյեկտ, այլ դիտվում է որպես «զինյալների խմբավորում»։ Սակայն նույն Փաշինյանն ու քարոզչամեքենան, քարոզում են, թե «Արցախի բանակը չկռվեց...»։

Նիկոլ Փաշինյանն ու նրա քարոզչամեքենան քաջատեղյակ են նաև նրանում, որ երբևէ չճանաչված Արցախի նօրընտիր նախագահի պաշտոնավարման 19-րդ օրում ստորագրված «Արցախի լուծարման» փաստաթուղթը ևս ուժ չունի և ոչ մեկին պետք չէ, բացի իհարկե հենց նրանցից՝ Նիկոլ Փաշինյանից ու նրա քարոզչամեքենայի անդամներից, որոնք այդ թղթի կտորն օգտագործում են հենց մեր, Արցախի և Արցախի ժողովրդի դեմ։ Այլ իմաստ չկա։ Այս կլանը մինչ այսօր չի խուսափում, օգտագործել անգամ 2023-ի շրջափակումից հետո Բերդաձորի միջանցքում, Ադրբեջանի քարոզչամեքենայի կոմից պատրաստված նյութերն, Արցախի ու Արցախի բնակչության դեմ։

Այսպիսով, Հայաստանի ներկայիս կառավարությունը, փոխլրացնելով, Ադրբեջանի կառավարության քարոզը, պայքարել ու պայքարում է Արցախի ու արցախցիների դեմ, ցայսօր։

Ղարաբաղյան պատերազմի վետերանների միություն

Աղբյուր` Փաստինֆո