Փաստ ինֆո

Մի խումբ տաքսիստներ այսօր Ազգային Ժողով են եկել՝ ակնկալելով պարզաբանում, թե ինչու չեն կարող «Զվարթնոց» օդանավակայանում ծառայություն մատուցել։ Տաքսիստներից մեկնը լրագրողների հետ զրույցում ասաց, որ իրենց արգելում են մտնել օդանավակայանի տարածք՝ մարդ դիմավորելու։

«Օդանավակայանը Ազգային Ժողով չի, հանրային տարածք է, նույնն է , որ ինձ թույլ նչտան մոլ մտնել կամ մետրո, որևէ պարզաբանում չեն տալիս։ Պատճառաբանում են, թե մենք ապօրինի տաքսի ծառայություն ենք մատուցում, որևէ տեղ գրված չէ, թե մենք ապօրինի գործունեություն ենք ծավալում։ Մենք պատրաստ ենք հարկվելու, օրենքով աշխատելու, բայց թույլ չեն տալիս։

Օդանավակայանում աշխատելու համար լիցենզիա ստանալը մեծ խնդիր է։ Ասում են՝ ամբողջովին նոր մեքենա պետք է ունենաք, եթե ես նոր մեքենա ունենամ, ինչի՞ եմ գալիս տաքսի քշում։ Ես այսօր իմ ընտանիքի հացի հարցն եմ լուծում, չեմ հարստանում, դա ոչ մեկ չի կարող իրեն թույլ տալ։ Նման որոշմամբ 200-250 ընտանիքի կտրում են օրվա հոգսերը հոգալու հնարավորությունից, ընդ որում՝ մարդիկ կան, որ 30-40 տարի է՝ տաքսի է վարում, այդ մարդն այլ գործ ի վիճակի չէ անել, ինչպե՞ս է իր ընտանիք հոգսերը հոգալ»,-ասաց նա։

Աղբյուր` Փաստինֆո