Փաստ ինֆո

Արցախից բռնի տեղահանված մայր և դուստր խաբեության զոհ են դարձել: «Փաստինֆո»-ի հաղորդմամբ` Արմավիրի մարզի բնակիչը «Տիկտոկի» միջոցով ծանոթացել է Արցախից բռնի տեղահանված մոր և աղջկա հետ, ապա` նրանցից իմացել, որ վերջիններս կացարան են փնտրում, նրանց տեղափոխել է Արմավիրի մարզի իր տանը բնակվելու, ապա` խոստացել է Սարդարապատում գտնվող հողամասը, որը գնել էր իր մայրը, վաճառել արցախցի կնոջն ու նրա դստերը`500,000 ՀՀ դրամով և տուն կառուցել` 390,000 ՀՀ դրամով, սակայն գումարը ստանալուց հետո տղամարդեը հրաժարվել է «խոստումներից» ոչ հողամասն է տրամադրել, ոչ էլ տուն կառուցել: Արդյունքում` բռնի տեղահանված կնոջից խաբեութամբ հափշտակել է 890,000 ՀՀ դրամ:

Դեպքի առթիվ նախաձեռձնված քրեական վարույթի շրջանակներում տղամարդուն մեղադրանք է ներկայացվել խոշոր չափերով խարդախության համար:

Նրա նկատմամբ որպես խափանման միջոց է ընտրվել բացակայելու արգելքը:Ի դեպ, նշված տղամարդը նախկինում արդեն դատվածություն ունեցել է` գողության համար:

Ի. Ս.

Աղբյուր` Փաստինֆո