Փաստ ինֆո

Կարևոր է հասկանալ, թե ինչու է Ադրբեջանը բարձրացնում ՀՀ Սահմանադրությունը փոխելու հարցը, որովհետև ունի մտահոգություններ, թե դա անում է՝ հարցը փակուղի մտցնելու համար։ Մենք չենք ուզում առաջնորդվել այն տրամաբանությամբ, որ Ադրբեջանը հատուկ փակուղի է մտցնում բանակցությունները, դրա համար մենք փաստարկներով փորձում ենք փարատել Ադրբեջանի մտահոգությունները։

Այս մասին Հանրային հեռուստաընկերությանը տված հարցազրույցում ասաց վարչապետ Նիկոլ Փաշինյանն՝ ընդգծելով, որ հայկական կողմն էլ մտահոգություններ ունի, որ Ադրբեջանի սահմանադրությունը պարունակում է տարածքային պահանջներ ՀՀ -ի նկատմամբ։ «Մենք այդ հարցը չենք բարձրացնում, քանի որ նախ դա կնշանակեր խաղաղության գործընթացը կտցնել փակուղի։

Երկրրոդը՝ խաղաղության պայմանագրի համաձայնեցված մասում ունենք համաձայնեցված հոդված, որն ասում է, որ կողմերից որևէ մեկը չի կարող հղում անել ներքին օրենսդրությանը՝ այս պայմանագրով ստանձնած պարտավորությունները չկատարելու համար։

Իսկ արդեն համաձայնեցված մեկ այլ հատվածում արձանագրվում է, որ Հայաստանը և Ադրբեջանը ճանաչում են միմյանց տարածքային ամբողջականությունը և իրար նկատմամբ չունեն տարածքային պահանջներ և պարտավորվում են ապագայում նույնպես չառաջադրել տարածքային պահանջներ»,-ասաց նա։

Աղբյուր` Փաստինֆո