Փաստ ինֆո

Նոյեմբերի 19-ին ՀՀ նախագահի հրամանագրով, մինչ այդ վոթսափով ստացած հաղորդագրության հիմքով, պաշտոնից ազատվեց Վահե Ղազարյանը, որը մինչ ՆԳ նախարար նշանակվելը, 2020 թվականի հունիսից, զբաղեցնում էր ոստիկանության պետի պաշտոնը:

Իրավապահ այս համակարգում ու հանրության շրջանում տարբեր կարծիքներ կան նրա թողած «հետագծի» վերաբերյալ, բայց դրանք հիմնականում բացասական բնույթի են:

Փորձենք վերհիշել մամուլում հայտնված ու սոցիալական ցանցերում տարածված որոշ առանցքային դրվագներ.

_Մինչ նրա պաշտոնավարումը(նաև ոստիկանապետի պաշտոնում) ՀՀ քաղաքացիները կարող էին ունենալ 3 տեսակի անձնագիր. կենսաչափական, սովորական և ID(նույնականացման քարտ): Այդ փաստաթղթերը բավականին հեշտացրել էին քաղաքացիների կյանքը: Բայց հենց

նրա պաշտոնավարման ժամանակ էլ դադարեցվեց կենսաչափական անձնագրերի տրամադրումը:

-Անձնագրային բաժանմունքներում իրականացրած «բարեփոխման» արդյունքում հիմա մարզերի շատ բնակավայրերի բնակիչներ տասնյակ կիլոմետրեր պիտի կտրեն-անցնեն հաշվառվելու կամ նոր անձնագիր ստանալու համար:

-Վահե Ղազարյանի պաշտոնավարման օրոք ՀՀ-ում կտրուկ ավելացան թմրանյութերի ապօրինի շրջանառության դեպքերը, ինչը փաստում են տարբեր ատյաններում պարբերաբար բարձրաձայնվող վիճակագրական տվյալները:

-Հասարակական կարգն ապահովող ոստիկանները, հատկապես կարմիր ու սեւ բերետավորները դարձան պատժիչ ջոկատներ, որոնք քաղաքացիների նկատմամբ դրսեւորում են աննախադեպ դաժան ու ագրեսիվ վերաբերմունք, կիրառում բռնություն։

-Դեռ երկար ժամանակ կհիշվի Վահե Ղազարյանի անունը` Եռաբլուրում զոհվածների ծնողների նկատմամբ ոստիկանների անհամաչափ ուժ կիրառելու ամոթալի դեպքերով:

_Նրա օրոք արձանագրվել է հարյուրավոր պրոֆեսիոնալ կադրերի արտահոսք ոստիկանությունից. մի մասը՝ իրավապահ այլ համակարգեր, մի մասը դարձան փաստաբաններ:

_Կողային ապակիների թաղանթների արգելումն՝ առանց համապատասխան իրավական կարգավորումների, ինչի արդյունքում ունեցան տասնյակ դատական ակտեր ոստիկանության դեմ:

_Կադրային անհասկանալի փոխատեղումներ, որոնց արդյունքում պաշտոնների են նշանակվել անձինք, ում փորձն ու գիտելիքները չեն համապատասխանել պահանջներին:

_Պարեկային ծառայության հապճեպ ներդրման արդյունքում բազմաթիվ դժգոհություններ այդ ծառայությունից, որի կայացման համար պետությունն ահռելի միջոցներ է ծախսել, ինչպես նաև մսխվել է դրսից ստացած աջակցությունը:

_Ճանապարհատրանսպորտային պատահարների աննախադեպ աճ, որն ըստ Ղազարյանի` պարզապես ասֆալտի լավ որակից է՝ չնայած այդ նույն ասֆալտին պարբերաբար հայտնվող փոսերին։
_Ամենօրյա կրակոցներ ու սպանություններ Երևանում ու մարզերում:

_4,5 տարվա մեջ 1,5 հանդիպում լրագրողների հետ. նա ՀՀ-ի ամենա ոչ հանրային պաշտոնյան է եղել:

Աղբյուր` Փաստինֆո