Փաստ ինֆո

Պաշտոնանկությունների շքերթը պայմանավորված էր հաղորդագրություններով, որի մասին հայտարարել է Ն. Փաշինյանը։ Սակայն նրանք էլ պետք է Ն. Փաշինյանին խնդրեին, որպեսզի հրաժարական տար, քանի որ նա էլ իր պարտականությունները չի կատարում։ Եվ ոչ թե իրենք հրաժարական տային, այլ Ն. Փաշինյանը, քանի որ, երբ հրաժարական է տալիս վարչապետը՝ ինքնաբերաբար հրաժարական է տալիս ողջ կառավարությունը։ «ՓաստԻնֆոյի» եթերում ասել է ՀՀ արտակարգ դեսպանորդ և լիազոր նախարար Էդգար Ղազարյանը։

Բանախոսը նշում է, որ, օրինակ, գլխավոր դատախազը հրաժարական չի տալիս, քանի որ քաղաքական այլ դիրքավորում ունի՝ տիկին Աննայի ընկերուհին է։ Երկրում ստեղծվել է ընտանեապետություն, որտեղ տրամաբանություն չկա։ Գլխավոր դատախազը քաղաքական պատվերներ է կատարում։ Ն. Փաշինյանը երբեք չի «կպնում» այն մարդկանց, որոնք իր և Չալոյի հետևից քայլել են, և դա չի տարածվում այն մարդկանց վրա, որոնք չեն քայլել։

Ըստ փորձագետի, ստեղծվել է ինֆորմացիոն ֆոնդ, որից առավել մեծ վտանգներ կան։ Ադրբեջանի ԱԳՆ-ն հայտարարել է, որ դեկտեմբերից նոր զարգացումներ են սպասվում և չի մասնավորեցրել, որ դա դիվանագիտական շփումներին են վերաբերվում։ Հատկանշական է, որ Ն. Փաշինյանն էլ ԱԺ-ում հանդես եկավ մինչ օրս կատարած ամենսարսափելի հայտարարությամբ, այն է, որ այլևս Հայաստանի Հանրապետություն գոյություն չունի։ Եվ, քանի կա անկախության հռչակագիր՝ Հայաստանի Հանրապետություն չի կարող գոյություն ունենալ։

Բանախոսը մասնավորեցնում է, որ արդեն X սոցիալական ցանցի իր միկրոբլոգում Ն. Փաշինյանը 15-ից ավելի գրառումներ է կատարել Ադրբեջանի սահմանադրության մասին, որոնցի մեկում ասվում է, որ ադրբեջանապատկան են Վայոց Ձորի և Սյունիքի մարզերն ամբողջությամբ, Արարատի, Արմավիրի, Գեղարքունիքի, Տավուշի, Լոռու և Շիրակի մարզից առանձին հատվածներ, ընդհանուր առմամբ, Հայաստանի մոտ 60%-ը։ Ինֆորմացիոն ցայտնոտը հենց սրանով է պայմանավորված՝ մենք լրատվության մեջ կապրենք, մինչ ադրեջանական դրոշը Հայաստանի մի հատվածի վրայով կանցնի մինչև Նախիջևան՝ ծածանվելով հայկական մյուս բնակավայրերում։

Մանրամասները՝ տեսանյութում։

Աղբյուր` Փաստինֆո