Փաստ ինֆո

ԱՄՆ նախկին նախագահ Բիլ Քլինթոնը խոստովանել է, որ Մոնիկա Լևինսկուն միայն լավն է ցանկանում: Այս մասին գրում է The Guardian-ը:

Քլինթոնը մեկնաբանել է ստաժոր Մոնիկա Լևինսկու հետ սիրավեպը «Քաղաքացին» (Citizen) նոր ինքնակենսագրական գրքում: 1998-ին, երբ նրանց կապը հրապարակվեց, Սպիտակ տան ստաժոր Լևինսկին ընդամենը 22 տարեկան էր, իսկ ամուսնացած Քլինթոնը՝ գրեթե 50: Նախագահը, ով սկզբում մերժել էր սիրավեպի մասին շահարկումները, իսկ հետո ներողություն խնդրել հասարակությունից, իմպիչմենտի ենթարկվեց Ներկայացուցիչների պալատի, բայց արդարացվեց Սենատի կողմից:

«Քաղաքացին» գրքում, նկարագրելով նախագահությունից հետո տարիները, Քլինթոնը հիշում է NBC-ի 2018 թվականի անհարմար հարցազրույցը, որում հաղորդավարը նրան անակնկալի բերեց: Քրեյգ Մելվինը, վկայակոչելով MeToo շարժումը, հանկարծ հիշել էր Լևինսկուն և հարցրել, թե արդյոք նախագահը հրաժարական կտար, եթե նույն իրավիճակը տեղի ունենար այսօր: Քլինթոնը բացասական պատասխան է տվել, քանի որ, նրա կարծիքով, իմփիչմենթն այս դեպքում անօրինական է: Այնուհետև Մելվինը կարդաց Լևինսկու սյունակից մի հատված այն մասին, թե ինչպես է MeToo շարժումը փոխել իր տեսակետը սեռական ոտնձգությունների վերաբերյալ: Հաղորդավարը նաև հանդիմանել է նրան, որ ինքը երբեք անձամբ ներողություն չի խնդրել Լևինսկուց:

«Ես ասացի, որ ներողություն եմ խնդրել նրանից և բոլորից, ում վիրավորել եմ։ Այն, ինչ հաջորդեց, ինձ զարմացրեց։ «Բայց դուք ներողություն չխնդրեցիք նրանից, համենայն դեպս, ըստ նրանց, ում հետ մենք խոսեցինք»: Ես դժվարությամբ զսպեցի հիասթափությունս՝ պատասխանելով, որ թեև երբեք ուղղակիորեն չեմ խոսել նրա հետ, բայց մեկ անգամ չէ, որ հրապարակավ ասել եմ, որ ցավում եմ», - գրել Է Քլինթոնը գրքում։

Ես անընդհատ դրա հետ եմ ապրում: Վերջին մի քանի տարիների ընթացքում Մոնիկան շատ լավ և կարևոր աշխատանք է կատարել՝ որպես բուլինգի դեմ իր արշավի մի մաս, նա ստացել է արժանի ճանաչում ԱՄՆ-ում և արտերկրում: Մաղթում եմ նրան միայն լավագույնը։

Աղբյուր` Փաստինֆո