Փաստ ինֆո

Իրական և պատմական Հայաստանները չեն կարող չնույնանալ, ցանկացած երկրի ցանկացած քաղաքացի չի կարող նման տարբերակում անել, ես ապրում եմ պատմական Հայաստանից մնացած մի հատվածում, սա և պատմական Հայաստանն է, և իրական։ Այս մասին «Փաստինֆոյի» տաղավարում ասաց ԱԻՄ առաջնորդ Պարույր Հայրիկյանը։

«Պարույր Սևակն ուրեմն հիմա՞ր էր, որ ասում էր՝ անցյալի մասին նա չի խոսում, ով անցյալ չի ունեցել, չինացիներն ասում են՝ պետք չէ մոռանալ անցյալը, նա ապագայի ուսուցիչն է, տասնյակ ասույթներ կարելի է բերել՝ ցույց տալու համար, որ մենք այսօր կանք, այն բանի շնորհիվ որ ունեցել ենք մեր անցյալը։ Փաշինյանն իրեն սպառել է բոլոր ոլորտներում, եթե որևէ մեկն իրեն սպառում է՝ ստիպված է ճամարտակել»։

Անդրադառնալով Փաշինյանի հայտարարությանն առ այն, որ խաղաղության պայմանագիրն ստորագրելուց հետո այն հակասի ՀՀ Սահմանադրությանը, ապա Սահմանադրությունը պետք է փոխվի՝ Հայրիկյանը պատասխանեց. «Այդ փոքրիկին, զառամյալ փոքրիկին ես խղճում եմ սրտանց, որովհետև իր կողքին մի կարգին իրավաբան չկա, այդ տարրական բաները բացատրի։

Երբ ասում ես, որ որևէ միջազգային պայմանագիր կարող է գերակա լինել քո Սահմանադրության նկատմամբ՝ նշանակում է, դու ոչինչացնում ես քո պետական համակարգն ու իրավակարգը, սա հեղաշրջում է, որովհետև Սահմանադրությունը հիմնական օրենքն է ու եթե դու քեզ թույլ ես տալիս Սահմանադրությանը համարել ենթակա քո քմահաճույքներին, քո վախերին, բնազդներին անասնական կամ մարդկային, ապա թույլ ես տալիս մեծ սխալ, բայց եթե դու պետական բարձր պաշտոններ ես զբաղեցնում ու այդ սխալները կատարում ես պետական հարցերի մասին խոսելիս՝ դա կոչվում է պետական դավաճանություն»։

Հարցին, թե ինչից է վախենում Փաշինյանը՝ Հայրիկյանը նշեց, որ երբ մարդը պարտականություն է ստանձնել ինչ-որ մեկի նկատմամբ՝ արդարությունը մոռանում է ու շարժվում ես վախերով։

Մանրամասները` տեսանյութում:

Աղբյուր` Փաստինֆո